2016 ОНЫ НАМАР/ӨВЛИЙН ТРЭНД БОЛЖ БУЙ 8 ЗАГВАР
Халуун бүгчим зуны улирал дуусч навч шаргалтсан налгар намар ирлээ. Улирал солигдох бүрт загварын салбарынхны төдийгүй бүхий л хүмүүсийн сэтгэл догдолдог. Жил бүр загваруудын чиг хандлага шинэчлэгдэн солигдож ямар нэгэн гайхалтай зүйлийг туршиж үзэх тэр мэдрэмж хамгийн гоё биш гэж үү?
Ингээд 2016 оны Намар/Хаврын загварын үндсэн голлох хэв маягийг бүрдүүлэх зүйлсийг Эр хүн танд танилцуулж байна. Трэнд болж буй загварыг бий болгоход та заавал шинэ зүйл авах ёстой гэсэн үг биш юм. Өөртөө байгаа зүйлээрээ, эсвэл түүнийгээ зөв ашиглан багахан хэмжээний чимэг нэмэх ч боломжтой юм шүү!
\”НАМАЙГ ХАРААЧ” ГЭЖ ДУУДАХ КОСТЮМ
Ихэнх эрчүүдийн хувьд туршиж үзэхийг хүсдэг сонголтуудын нэг нь яах аргагүй \”Хослол” байдаг. Албан ёсны болон чамин хээнцэр байдлаар ашиглаж болдог эрчүүдийг илтгэх төгс хувцаслалт болох костюм нь хээ болон материал, хэлбэрээрээ хоорондоо ялгагддагийг бид бүгд сайн мэднэ. Энэ улирал буюу 2016 оны намар өвлийн загварын түлхүүр хээ бол яах аргагүй дөрвөлжин хээ байлаа. Мөн хоёр эгнээ товчтой загвар ч байж болно.
Юун түрүүнд өнгөний сонголт болон зохицол маш чухал. Бид танд нэг тод өнгө сонгохыг санал болгож байна. Гэхдээ мэдээж тод ягаан эсвэл цав цагаан биш, түүний оронд цемент шиг эсвэл илүү бараан сүүдэртэй хөх өнгө болон хар хөх өнгүүдийг сонгоорой. Учир нь эдгээр өнгүүд дээр зураас болон хээнүүдийн төрөл бүрийн өнгүүд маш сайхан зохицдог.
Энэ загварыг туранхай эрчүүд ихээхэн сонирхдог ба учир нь дөрвөлжин хээ нь биеийг илүү том бөгөөд өргөн харагдуулж өгдөг давуу талтай. Энэ дүрэм нь дөрвөлжин хээтэй цамцан дээр ч ажиллана шүү!
СПОРТ ЗАГВАРЫН ЦАМЦ
Биеийн тамирын цамц бол загварын ертөнцөд хамгийн муугаар нэрлэгддэг мөртлөө бодит амьдрал дээр бүх эрчүүдийн дуртай сонголт байдаг. Энэ төрлийн цамцны даваа тал нь зугаалгад явах, гэртээ амрах, болзоонд явах гээд бүхий л цаг үед өмсөж болно. Гэхдээ мөн үүнийг загварлагаар ч хэрэглэж болох юм. Бэлтгэлийн өмд сул, хэлбэргүй хүрэмтэй, бэлтгэлийн цамцаа пальтотой гээд ямар ч хослолыг бий болгох боломж байгаа.
Ухаалаг мөртлөө хувцаслалтандаа анхаарал хандуулаагүй юм шиг хувцаслалтын эрин үе ирээд байгаа юм. Үүний тод жишээ гэхэд бэлтгэлийн хувцсыг хослолтой өмсөх юм. Энэ нь таныг дааруулахгүй ба илүү эрин үетэйгээ хөл нийлүүлэн алхах боломжийг олгож байгаа юм.
Өнөө үед бэлтгэлийг хослол илүү ухаалаг хувцаслалт талруугаа чиглэх болсон боловч үндсэн хэв байдлаа алдаагүй л байгаа шүү. Түүнийг нарийхан жинс болон бариу эсвэл доошоогоо нарийссан хэлбэртэй өмдтэй хослуулаарай.
ЧӨЛӨӨТ ЗАГВАРЫН ӨМД
Энэ жилийн хамгийн амьдралд ойрхон бөгөөд нэлээд сонирхол татаж буй зүйл бол чөлөөт өмд юм. Сүүлийн 2 улирлын турш загварын ертөнцөд энэ төрлийн өмд бараг л мартагдсан байсан гэхэд хилсдэхгүй.
Мэдээж практик бодитой юм гэдэг нь загвараас тэс ондоо зүйлийг хэлнэ. Энэхүү зай нь таны загварын талаар ойлголттой зөрчилдөж магадгүй. Гэхдээ доор үзүүлсэн зургуудыг харж байна уу? Загвар гэдэг бол хамгийн гол нь зөв хослол. Энэ трэнд болж байгаа гэсэн гээд эрээн мяраан зүйлсийн цуглуулга болсон хүмүүс олон байдаг. Та тэднээс өөр байж чадна, өөрийн хэв маягийг өөрийн хүссэн хувцас болон яг өнөөдрийн дэлхийн трэндтэй хослуулж чадна. Тиймээс л бид энд байгаа шүү дээ!
Чөлөөт загварын өмдөө бусад хувцастайгаа хослуулахдаа материал дээр нь анхаараарай. Өөр өөр эрс тэс материалуудыг хослуулахаас аль болох татгалзах хэрэгтэй. Хөвөн даавуун материалтай өмдөө урт ба богино хүрэм, хоолойтой цамц, болон даавуун пиджактай хослуулан өмсөөрэй. Таны хувцас биед эвтэйхэн байх учир улам өөртөө итгэлтэй харагдах болно.
ХҮЗҮҮНИЙ АЛЧУУР
Хамгийн дэгжин тайзны хувцаслалтууд тэндээ л үлдэг үү? Яагаад? Учир нь хэтэрхий үнэтэй мөн амьдрал дээр өмсөхөд бодитой биш гэж та боддог уу. Тэд загварын тайзан дээрээ л сайхан харагддаг ба гудамжинд гарах бол тэс ондоо хэрэг. Гэхдээ үе үе томоохон брэндүүд эрчүүд \”авж” болохоор загвар гаргадаг. Энэ улирал бид Gucci брэндийг онцолж байна. Тэдний гаргасан хүзүүний ороолт нь хувцсыг гэрэлтүүлэн харагдуулах мөн чимэх хамгийн энгийн арга болоод байна.
Энэ улирал бүх дэлгүүрийн манекенүүд хувцсандаа тохируулан янз бүрийн чимэглэлүүдийг хослуулан та загварын тайзан дээр алхаж байгаа юм шиг харагдах болно гэдгийг баталсан.
Хэрвээ та нэг өнгөөр хувцаслах гэж байгаа бол, хүзүүний алчуур зүүгээд үзээрэй. Мөн та хээтэй хослолын төрлийн хувцас өмсөх гэж байгаа бол тухайн хээний өнгөтэй адил эсвэл төстэй алчуурыг цамцныхаа задгай хэсэгт зүүгээд зангилааг нь бага зэрэг сул тавь.
ДҮҮЖИН ӨМД
Олон залуус бариу загварын өмдийг хөдлөхөд хэцүү биед эвгүй гэж хэлдэг. Хэрвээ та тэдний нэг бол одоо санаа зовох зүйлгүй боллоо. Бага зэрэг бариу гэхдээ загварлаг харагдуулах өмд бол яах аргагүй дүүжин хэлбэрийн өмд юм.
Та өмдөө сонгохдоо размераа зөв тохируулах хэрэгтэй. Бүр сул унжгар байдлаар өмсөхийг хүсвэл өөрийн размераасаа нэгээр томруулаарай. Харин оффисын буюу ажил хэрэгч байдлаар өмсөхдөө яг таарсан хэлбэрийг нь хадгалах нь зөв юм.
Намрын хувьд даавуун материалтай дүүжин өмд хамгийн зөв сонголт байх ба өнгөний хувьд намрын трэнд болсон байгалийн өнгүүд сайхан сонголт байх болно. Үүнд бор шаргал, цайвар шаргал, бүх төрлийн ногоон өнгүүд болон саарал өнгө орно. Энэ төрлийн өмдний бас нэгэн давуу тал нь ямар ч үед өмсөх боломжтой ба сорочик, спорт цамц, даавуун энгийн цамцууд болон пиджактай хүртэл өөлөх зүйлгүй сайхан хосолдог. Гуталны хувьд ч гэсэн санаа зовох зүйлгүй. Арьсан, элгэн гээд бүх төрлийн гутал болон энгийн цэвэрхэн кэттэй ч хослуулж болно.
ҮРГЭЛЖ БЭЛЭН БАЙХ ХҮРЭМ
Үргэлж бэлэн байх гэдэг үгийг уншингуут цэрэг эрс санаанд тань орж байна уу? Таны зөв! Энэ жилийн бас нэгэн онцлох трэнд нь цэргийн загварын хүрэм юм. Адил төстэй шинж чанар нь мэдээж ихэнх нь ногоон өнгөтэй байдаг. Гэхдээ түүний өнгөний туяанаас нь хамааран ялгаатай хэв маягийг бий болгох боломжтой. Мөн элсний өнгийг хэзээ ч мартаж болохгүй. Цайвар шаргал өнгө нь маш цэвэрхэн харагдаж чаддаг.
Мөн энэ загварын хамгийн чухал зүйл нь халаас юм. Энэ улирал загвар зохион бүтээгчид хүрэмний урд хэсэгтээ хэд хэдэн халаасыг оруулж өгсөн байна. хүрэмний хэлбэрийн хувьд та өөрийн биендээ тохируулантайлтай, тайлгүй, бариу, сул өргөн гээд төрөл бүрийн загвараас сонгох боломжтой.
Мэдээж гадуур хувцас учир срочикоос эхлээд төрөл бүрийн даавуун цамц гээд бүхий л цамцтай хосолж чадна. Өмдний хувьд ч мөн адил. Жинсэн, даавуун гээд танд өөрт чинь тохирсон л байвал загварынх нь тал дээр тэгж их ач холбогдол өгөх шаардлагагүй. Бороотой ч нартайд ч хаашаа ч явсан таныг чимж чадах уг цэргийн загвартай хүрэм нь таны шүүгээнд заавал байх хувцаснуудын нэг яах аргагүй мөн юм.
ЭЛГЭН ГУТАЛ
Өвлийн улирлыг цас болон цасан шуургагүйгээр төсөөлөх аргагүй. Бороо цас ихээр орохоос өмнө элгэн гутлаа гаргаарай.
Богино түрийтэй гутал бол намрын төгс сонголт. Шагайгаар татсан уг гутал нь элгэн, арьсан гээд ямар ч материалтай байж болно. Гэхдээ хэтэрхий том байлгахаас зайлсхийгээрэй. Энэ улирлын хувьд шоколадан бор буюу хар хүрэн өнгө трэндийг илтгэж байна. Хэрвээ та илүү ажил хэрэгч байдлаар хувцасладаг бол хар өнгөтэй ч байж болно.
Хослуулах хувцаслалтуудын хувьд гэвэл зүгээр л өөртөө яг тохирсон хэв маягийг бүрдүүлэхэд л болно. Хэтэрхий гялтганасан, тод өнгө болон том сул загвартай зүйлстэй хослуулахаас аль болох татгалзаарай.
ДАХИАД Л БОМБЕР
Bomber бол бүхий л эрчүүдэд гайхалтай зохидог хувцасны нэг яах аргагүй мөн билээ. Энэ намрын хувьд хээтэй бомберын хээтэй загварууд анхаарал татаад байна. Мөн илүү тансаг, чамин материалууд загварын ертөнцийнхний анхааралд өртжээ. Тодруулбал элгэн, ноолууран, хилэн, торгомсон болон материалтайбомберуудын үнэлгээ нилээд дээгүүр байгаа юм.
Бомбер жакетыг өмсөхдөө: Таны биед яг таарсан байна уу? Ногоон дэлхийтэй хамааралтай өнгөтэй байна уу? гэдэг дээр анхаараарай. Тиймээ! Та зөв уншсан. Байгалийн гүн өнгүүд энэ намар, өвлийн трэндийгилтгэж байгаа юм. Улаан хүрэн, тод улбар шар, гүн бор гэх мэт.
Энэ нь та классик хэв маягаа алдана гэсэн үг биш шүү. Ажил хэрэгч байдлаа хадгалахыг хүсвэл хар хөх болон хар саарал өнгийн бомберыг сонгож болно.
