![\"\"](http://undesten.mn/uploads/posts/2016-09/1475205641_olloo_mn_1407400974_teever-tuya1-600x247.jpg "\\"\\"")
Нийслэлийн Тээврийн газраас ниитийн тээврийн үйлчилгээнд явж буй автобусны компаниудын автобус иргэдэд үйлчлэх цагийн хуваарийн баталдаг билээ. Хуваарийн дагуу том оврын автобусууд өглөө 06.45 цагаас эхлэн оройны 22.30 цаг хүртэл зорчигчдоо тээвэрлэх журамтай. Ялангуяа Энхтайвны өргөн чөлөөг буюу таван шарын автобусны буудлаас офицеруудын ордон явах чиглэлийн автобусууд 22.30 цагт сүүлчийн тээвэрлэлтээ хийх үүрэгтэй юм байна. Хужирбулан, Налайх чиглэлийн автобус бол арай эрт зогсох хуваарьтай аж.
Гэтэл зарим иргэд автобуснууд цагаасаа эрт зогсох болсон гэх гомдлыг нийслэлийн шуурхай мэдээллийн төвд гаргах болсон байна. Учир нь цагийн хувиараар автобуснууд явдаг болсноос зарим нь 19 цаг болгоод зогсчихож байна гэсэн гомдол иргэдийн зүгээс багагүй тавих болсон. Гэхдээ иргэн таны зорчих чиглэлийн автобусууд хуваарийн дагуу явахгүй байвал нийслэлийн Тээврийн газарт гомдол гаргах ёстой юм байна. Ингэхдээ тухайн тээврийн хэрэгслийнхээ дугаар, чиглэлийг тодорхой хэлэх шаардлагатай аж. Иргэн таны гаргасан гомдлын дагуу нийслэлийн Тээврийн газрын байцаагчид шалгалт хийж, зорчигчдод үйлчлэх хуваариа зөрчсөн автобус компаниудын зөрчлийг арилгуулна гэж эх сурвалж мэдэгдлээ.
