Нийслэлийн онцгой комиссын Шуурхай штабаас хязгаарлалтад ороогүй 18 байгууллагын мөрдөх халдвар хамгааллын дэглэм зааврыг гаргалаа. Хэрэгжилтэд нь Нийслэлийн онцгой комисс хяналт тавьж байна.
Засгийн газрын 11 дүгээр сарын 29-ний ээлжит бус хуралдаанаар хөл хорионы хязгаарлалтад ороогүй 13 чиглэлийн үүргийг хэрэгжүүлдэг аж ахуйн нэгж, албан байгууллага дээр нэмээд боловсруулах үйлдвэрлэл, банк санхүү, онлайн худалдааны салбарын үйл ажиллагааг нээх шийдвэр гаргасан.
Үүнд:
- Эрчим хүчээр хангах үйл ажиллагаа
- Хүнсний үйлдвэрлэл, худалдаа, түгээлт, тээвэрлэлтийн үйл ажиллагаа
- Газрын тосны бүтээгдэхүүн, түлшний хангамж, түгээлт, тээвэрлэлтийн үйл ажиллагаа.
- Хот суурины усан хангамж, ариутгах татуургын ашиглалтын үйл ажиллагаа
- Эрүүл мэндийн байгууллага, эм, эмнэлгийн хэрэгслийн үйлдвэрлэл, ханган нийлүүлэх үйл ажиллага
- Банк санхүү, хөрөнгийн биржийн үйл ажиллагаа
- Хэвлэл мэдээлэл, харилцаа холбоо, шуудан илгээмжийн үйл ажиллагаа
- Улсын онц чухал болон стратегийн ач холбогдол бүхий обьект, байгууллагын үйл ажиллагаа
- Малын өвс, тэжээлийн үйлдвэрлэл, худалдаа, тэвэрлэлтийн үйл ажиллагаа
- Гоо сайхан бүтээгдэхүүн үйлдвэрлэлийн үйл ажиллагаа
- Арьс шир, ноос ноолуур, боловсруулах үйлдвэрийн үйл ажиллагаа
- Сав баглаа боодол, хэвлэх үйлдвэрийн үйл ажиллагаа
- Модон эдлэл, барилгын хийц, материалын үйлдвэрлэлийн үйл ажиллагаа
- Бараа материалын цахим худалдаа, хүргэлтийн үйл ажиллагаа
- Хууль тогтоох дээд байгууллага, нутгийн өөрөө удирдах байгууллага, төрийн захиргааны байгууллагын үйл ажиллагаа /тооны хязгаарлалттай/
- Тусгайлсан чиг үүрэг бүхий байгууллагын үйл ажиллагаа
- Шүүх, прокурор, өмгөөлөл, нотариатын үйл ажиллагаа
- Оршуулгын үйл ажиллагаа эрхэлдэг аж ахуйн нэгжүүд үйл ажиллагаагаа үргэлжлүүлнэ.
