Цахим хуудаснаа нийтлэгдэж, олон хүн цааш нь сэвж/тараах, хуваалцах/ байгаа галзуу солиотой пост/нийтлэл/-ийг хараад тэссэнгүй.
Уг зургаар google сайт дээр хайлт хийж үзлээ. Гэтэл сарын орчмын өмнө Америкт Филиппин гаралтай 72 настай эмээ Модерна вакцин хийсний дараа цусны ялтас эс цөөрөх эмгэг илэрсэн байна.
Гэтэл санаатайгаар юм уу, эсвэл санаандгүй ийм зүйл хийгээд байдаг юм уу бүү мэд. Ямартай ч өнөөх Америкт өвчилсөн 72 настай эмэгтэйн зургийг ашиглаад 29 настай Өвөрмонгол бүсгүй болгож бичээд, Хятад вакцинаар Монголчуудыг алах нь гээд цуурч өгсөн байгаа юм. Хамгийн гол нь уг худал мэдээллийг маш олон хүн сэвж/хуваалцаж/, мөн тооны хүн элдэв янзын хараал урсган сэтгэгдэл бичжээ.
Энэ нь манай нийгмийн олонх мэдээллийг ямарч шүүлтүүргүйгээр хүлээн авдаг гэдгийг маш ойлгомжтой тодорхой өгүүлж байна. Инээдтэй гэх үү, эмгэнэлтэй гэх үү. Одоо ч зарим цахим хуудас, хувь хүний хуудсаар энэ мэдээлэл цацагдсаар байна. Уг нь мэдээллийн эринд амьдарч байгаа та бид хүссэн мэдээллээ ганцхан товч дарахад л олоод авчих боломжтой. Гэвч …
