Орны хүрэлцээ, эмнэлгийн тусламж үйлчилгээ ямар нөхцөлд байгааг мэдээлж байна.
Нийслэлийн эрүүл мэндийн газрын дарга Б.Бямбадорж:
Халдварын эсрэг хариу арга хэмжээний хүрээнд 11 төрлийн үйл ажиллагааг явуулж байна. Нийслэлийн халдварын тархалтын байдлыг ажиглахад сүүлийн сарын хугацаанд тархалт огцом нэмэгдсэн.
Хэвтэн эмчлүүлэлт, тусгаарлах байрнаас халдвар ихээхэн тархсан. Халдвар нэмэгдсэн долоо хоногоос дархлаажуулалт багассан.
Хоёр болон гурав дахь тунгийн идэвх багассан байна. Гуравдугаар тунд хамрагдаж байж эрсдэл багасна.
Сүүлийн дөрвөн долоо хоногт эмчлүүлж байгаа хүмүүсийн тоо огцом нэмэгдсэн. Эмнэлэгт хэвтэн эмчлүүлж байгаа хүнд нөхцөл байдалтай хүмүүсийн тоо нэмэгдсэн.
Өнөөдрийн байдлаар 5986 ор бий. Гэтэл 109 хувийн илүү ачаалалтай ажиллаж байна.
НЗДТГ-ын хэвлэлийн төлөөлөгч Н.Сугар:
Мутацад орсон вирусийн улмаас эмчилгээний хугацаа 14-өөс 21 хоног болтлоо уртассан.
Эмнэлэгт хэвтэж байгаа хүмүүсийн 80 хувь нь хүнд оноштой. Үлдсэн 20 хувь нь хавсарсан суурь өвчтэй хүмүүс бий.
Орны тоог нэмэхгүй байгаа шалтгаан нь хүн хүчтэй холбоотой. Ор олноор нь дэлгэх нөхцөл мөн одоогоор хомс байна.
