Хэвлийн дотор эрхтний эргэн тойрны өөхийг дотор өөх гэнэ. Дотор өөх ихсэх нь арьсны доорх өөхийг бодвол их хоруу шинж чанартай. Дотор өөхний хүчлүүд цусанд орж, элэгний тусламжтайгаар бие махбодид муу холестерин, зүрх судасны өвчин үүсгэж, цус харвалтад өртүүлдэг.
Мөн дотор өөх их хэмжээгээр хуримтлагдвал чимээгүй тахал гэгддэг чихрийн шижин, үений эмгэг, хоол боловсруулах эрхтний эмгэг, церроз, амьсгалын архаг бөглөрөл, хорт хавдар зэрэг өвчний шалтгаан болдог.
ДОТОР ӨӨХЛӨЛТИЙГ БАГАСГАСНААР ОЛОН ӨВЧНӨӨС СЭРГИЙЛЖ ЧАДНА.
Ялангуяа эмэгтэйчүүд нас ахих тусам, жин нь хичнээн хэвийн байсан ч дотор өөх ихтэй байх нь элбэг гэдгийг судалгаагаар тогтоожээ.
ДОТОР ӨӨХТЭЙГЭЭ ЯАЖ МЭДЭХ ВЭ?
Эхоны эмчид хандаж эход харуулаад мэдэж болно. Дотор эрхтэн ба элэгний өөхлөлт хэр байгааг хэлээд өгнө.
Дотор өөхнөөсөө салах хамгийн үр дүнтэй арга бол ЗОХИСТОЙ ДАСГАЛ ХӨДӨЛГӨӨН, ЭРҮҮЛ ХООЛЛОЛТ, НӨХӨН СЭРГЭЭХ АМРАЛТ юм.
