Өнгөрсөн хоногт Увсын зүүн, Завхан, Булганы хойд, Хөвсгөлийн баруун болон зүүн хэсгээр, Сэлэнгэ, Дарханы нутгаар 0.0-6.0 мм бороо, нойтон цас, цас оржээ.
Цасны зузаан: Өнөө өглөөний 08:00 цагийн цаг уурын өртөө, харуулын цасны зузааны мэдээгээр Баян-Өлгий, Ховдын баруун, Увс, Төв аймгийн зүүн, Хөвсгөл, Завхан, Булган, Сэлэнгэ, Хэнтийн хойд хэсэг, Дарханы нутгаар 0.0-13 см зузаан цастай байна.
Үүнээс хамгийн их нь Хөвсгөлийн Ренчинлхүмбэд 13 см, Увсын Малчинд 11 см, Баян-Өлгийн Даянд 10 см, Сэлэнгийн Сүхбаатарт 4 см, Дархан-Уулын Орхон, Булганы Хангалд 3 см, Завханы Баянхайрхан, Сэлэнгийн Зэлтэр, Хүдэр, Нийслэлийн Багануур, Хэнтийн Өмнөдэлгэр, Гурванбулагт 2 см, Увсын Цагаанхайрхан, Өндөрхангай, Дархан-Уулын Дархан, Хонгор, Сэлэнгийн Хушаат, Бугант, Зүүнбүрэн, Баруунбүрэн, Цагааннуур, Завханы Цэцэн-Уул, Тэс, Булганы Бугант, Төв аймгийн Баянжаргаланд 1 см зузаан цастай байгааг ЦУОШГ-аас мэдээллээ.
Аравдугаар сарын 19-нийг хүртэлх цаг агаарын урьдчилсан төлөв:
15-нд төвийн аймгуудын нутгийн зүүн хэсэг, зүүн аймгуудын нутгийн зарим газраар ялимгүй цас орно. Салхи 15, 16, 17-нд говь, тал, хээрийн нутгаар секундэд 13-15 метр хүрч ширүүснэ. Нутгийн зүүн хагаст хүйтэрч Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр, Туул, Тэрэлж, Хэрлэн, Онон, Улз голын хөндий, Дорнод-Дарьгангын тал нутгаар шөнөдөө 14-19 градус хүйтэн, өдөртөө 4 градус хүйтнээс 1 градус дулаан, говийн бүс нутгийн өмнөд хэсгээр шөнөдөө 5-10 градус хүйтэн, өдөртөө 3-8 градус дулаан, бусад нутгаар шөнөдөө 10-15 градус хүйтэн, өдөртөө 1 градус хүйтнээс 4 градус дулаан байх нь.
