Шадар сайд С.Амарсайхан төрийн өмчийг хууль бусаар хувьчлан авчихсан байсан “бүлэглэл”-ийн эсрэг хуулийн хүрээнд арга хэмжээ авч, төрийн өмчийг эргүүлэн авах, олон нийтийн өмчид буцаан авч ирэх зэрэг үйл ажиллагааг оройлон зохион байгуулж байна. Гэвч ингэж тэмцснээрээ өөртөө л дайсан бэлдэж байгааг цахим хуудсанд өрнөж буй түүний эсрэг элдэв дайралтуудаас харж болохоор байна. Ганц нэг сэтгэгдэл бус бүхэл бүтэн хэвлэл мэдээллийн хэрэгслүүдийг ашиглан, төлбөр төлж, зохион байгуулалттайгаар Шадар сайд С.Амарсайханыг харлуулах, түүний ах дүүсийн эрхэлдэг бизнес компаниудын нэр хүндэд халдах зэрэг бохир үйл ажиллагааг идэвхтэй хийж байна.
Энэ олон дайралтуудад Шадар сайдын зүгээр тодорхой тайлбаруудыг цаг тухай бүрт нь өгсөөр байгаа. Харин “Оюуны Ундраа Групп” ХХК-ийн зүгээр өөрийн албан ёсны цахим хуудаснаа дараахь мэдэгдллийг гаргажээ.
Мэдэгдэлд “…Сүүлийн үед “Оюуны Ундраа Групп” ХХК-ийн бизнесийн нэр хүнд болон бусад хувьцаа эзэмшигч, удирдлагуудын нэр төр, алдар хүндийг харлуулж, үндэслэлгүй буруу ташаа мэдээ, мэдээллийг цахим сүлжээ, хэвлэл мэдээллийн хэрэгслээр зохион байгуулалттайгаар тарааж байгаад харамсаж байна. Манай компани Монгол Улсад мөрдөгдөж буй хууль тогтоомжийн хүрээнд улс төрөөс ангид үйл ажиллагаа явуулдаг үндэсний ууган компаниудын нэг юм. Гэтэл “Оюуны Ундраа Групп” ХХК болон удирдлагууд, хамаарал бүхий хүмүүсийг Монгол Улсын Шадар сайд С.Амарсайхан руу чиглэсэн улс төрийн үйл ажиллагаанд зориуд татан оролцуулж, компанийн нэр хүндэд удаа дараа халдсаар байна.
Шадар сайд С.Амарсайхан нь “Оюуны Ундраа Групп” ХХК-ийн явуулж буй үйл ажиллагаанд огт оролцдоггүй бөгөөд албан тушаалаа ашиглан “Оюуны Ундраа Групп”-д ямар нэгэн давуу байдал олгоогүй гэдгийг албан ёсоор мэдэгдэж байна.
Мөн tsahiur.mn, nuuts.mn гэх мэдээллийн сайтууд үнэн бодит мэдээллийг мушгин гуйвуулж, “Оюун Ундраа Групп” ХХК, хувьцаа эзэмшигч, удирдлагуудын нэр төрд халдсан гүтгэлэг тараасан нь компанийн үйл ажиллагаанд сөргөөр нөлөөлж байгаа тул дээрх үйлдлийг хууль хяналтын байгууллагаар шалгуулж, үнэн зөвийг тогтоолгох болно.
Нөгөөтэйгүүр, олон нийтийн мэдээллийн хэрэгслээр аливаа мэдээллийг тараахдаа мэргэжлийн ёс зүйг баримталж, баримт материалаа сайтар нягталж, олон нийтэд буруу ташаа мэдээлэл хүргэхгүй байхыг хүсье” гэжээ.
“Эрдэнэт медипас” эмнэлгийн тухайн үеийн Эрдэнэт үйлдвэрийн удирдлагуудтай үгсэн хуйвалдаж, хууль бусаар хувьчлаад авчихсан байсныг Шадар сайд очиж, алдаа завхралыг засч, төрийн өмчид буцаан авсан. “Дарханы төмөрлөг”, “Хөтөлийн цемент цохойн үйлдвэр”-ийг бас л хууль бусаар өөрийн өмч хөрөнгөнөөс бага үнээр хувьчлаад авчихсан байсныг илчилж, буцаан авсан.
Сүүлд иргэдийн ипотекийн зээлээс үйл ажиллагааныхаа зардлыг гаргуулдаг байсан гэх Монголын ипотекийн корпорацийн үйл ажиллагааны алдааг олон нийтэд илчилсэн. Үүний үр дүнд банкууд зээлийн хүүгээс шимтгэл авдаг байсан явдлыг шалгаж эхэллээ. Цаашлаад ипотекийн зээлийн хүү буурах боломж ч бүрдэх боломжтой боллоо. Өөрөөр хэлбэл иргэд бидэнд ашигтай, тааламжтай нөхцөл л бүрдэж байна.
Энэ нь хууль бусаар хувьчлаад авчихсан байсан энэ бүх өмч хөрөнгийн цаана байгаа хүмүүст мэдээж таалагдахгүй. Тиймээс тэд дуугүй суухыг хүсээгүй учраас зохион байгуулалттайгаар зарим хэвлэл мэдээллийн хэрэгсэл, сэтгүүлчдийг худалдаж авч байгаад Шадар сайд С.Амарсайханыг харлуулахыг оролдож байна. Гэвч иргэд, олон нийт Шадар сайдын тэмцлийг дэмжиж байгаа. Түүний эхлүүлсэн, түүний хийж буй энэ тэмцэлд алга ташин урам өгч, дэмжиж байгаа нь аливаа сөрөг дайралтуудын доор бичигдсэн эерэг сэтгэгдлүүдээс харагдаж байна.
