Афганистаны нийслэл Кабул хотын боловсролын төвд амиа золиослогч халдсаны улмаас 19 хүн нас барж олон хүн гэмтжээ.
Дэлбэрэлт Кабул хотын баруун хэсэгт байрлах Дашт-э-Барши гэх газарт байрлах Кааж боловсролын төвд болсон бөгөөд их сургуулийн шалгалт өгч байсан сурагчид болон боловсролын төвийн ажилчид өртсөн байна.
Халдлагад өртөгсдийн ихэнх нь үндэстний цөөнх Хазара овгийн хүмүүс ба одоогоор ямар нэг бүлэг халдлагын хариуцлагыг хүлээсэнгүй.
Гэвч Шийт мусульман шашинтай Хазара бүлэг өмнө нь Исламын улс бүлэглэл болон Талибанчуудын халдлагад удаа дараа өртөж байсан юм.
Талибанчууд халдлагын шалтгааныг олж тогтоохоор ажиллаж байгаа ба үндэстэн хооронд тогтвортой байдал бий болгохоор ажиллаж байна гэв.
Дашт-э-Баршид мөн өнгөрсөн жил дэлбэрэлт болж 85 хүн амиа алдаж байсны ихэнх нь сурагчид байсан юм.
Эх сурвалж: BBC
