Харилцаа холбооны зохицуулах хорооноос өргөн нэвтрүүлгийн телевизүүд Өргөн нэвтрүүлгийн тухай хуулийн заалтуудыг мөрдөж байгаа эсэхийг шалгажээ.
СУГАЛААНЫ НЭВТРҮҮЛГИЙН УЛМААС ӨРГӨН НЭВТРҮҮЛГИЙН ТЕЛЕВИЗҮҮД СУРТАЛЧИЛГААНЫ ЦАГАА ХЭТРҮҮЛЖ БАЙНА
Өргөн нэвтрүүлгийн тухай хуульд “Телевизээр хоногт нэвтрүүлсэн арилжаа сурталчилгааны нэвтрүүлэг нь тухайн өдрийн нийт хөтөлбөрийн цагийн 15%-иас илүүгүй байх заалтыг хангах” хэмээн заажээ.
Гэвч зарим телевиз уг шаардлагыг хангаагүй байна. Жишээ нь TV5, TM телевиз оны эхний хагас жилд тогтмол 15 хувиас хэтрүүлж байсан бол SBNтелевиз оны эхний найман сарын долоод нь уг заалтыг зөрчсөн байна.
Ийнхүү арилжаа, сурталчилгааны нэвтрүүлгийн хугацаа их байгаа нь сугалааны нэвтрүүлэгтэй холбоотой гэж ХХЗХ-оос мэдээллээ. Тодруулбал, өргөн нэвтрүүлгийн 10 телевиз (25TV, C1, SBN, UBS, Malchin, Star, Suld, TV5, TV8, TV9) сугалааны нэвтрүүлэг цацсан байна.
Өргөн нэвтрүүлгийн тухай хуульд зааснаар телевизээр нэвтрүүлэх нэг удаагийн зар сурталчилгаа буюу 1 блокны урт 5 минутаас хэтрэхгүй байх ёстой.
Гэвч энэ хугацаанаас хэтрүүлэн зар сурталчилгаа нэвтрүүлэх зөрчил элбэг бөгөөд NTV, TV5, UBS, TV25 телевизүүд сар бүр нэг цагаас урт хугацаагаар хэтрүүлжээ.
Ийнхүү гаргасан зөрчлийн дагуу ХХЗХ-оос холбогдох телевизүүдэд албан бичиг өгдөг бөгөөд хуулийн дагуу зөрчлөө арилгахыг шаарддаг аж.
Харин бусад телевизийг арилжааны гэх бөгөөд хувийн хэвшлийн хөрөнгө оруулалттай, ашгийн төлөө үйл ажиллагаа эрхлэх радио, телевизийн үйлчилгээг хэлнэ.
Өргөн нэвтрүүлгийн телевизүүд бусад арилжааны телевизүүдээс давуу эрх эдэлдэг ч илүү хариуцлага хүлээдэг тогтолцоотой.
Эх сурвалж: Харилцаа холбооны зохицуулах хороо
