Төв талбайд жагсаж буй иргэдийн барьсан гэрийг хүчээр буулгалаа гэх мэдээлэл олон нийтийн сүлжээнд гараад байна.
Энэ тухай ЦЕГ-ын Хэвлэлийн мэдээллийн төвөөс тодруулахад “Нийслэлийн Засаг даргын орлогч З.Төмөртөмөө жагсаж буй иргэдтэй уулзахдаа, жагсагчдын удаа дараа тавьсан шаардлагын дагуу төр засгийн зүгээс гэр барьж, телевиз, интернэтийн орчин зэрэг шаардсан зүйлийг бүрдүүлэн ажилласан бөгөөд цаашид суулт зарласан иргэдийн эрүүл мэнд амь насанд эрсдэл үүсэж байгааг хэлсэн.
Мөн өмнө нь тавьсан шаардлага, хүсэлтийн дагуу СТӨ-нд байрлах боломж нөхцөлийг бүрдүүлсэн тул жагсагчдыг харилцан ойлголцож СТӨ-нд орж байрлах хэрэгтэй хэмээн мэдээлэл хийсэн.
Түүнээс гадна, эрүүл мэндийн байгууллагаас нэмж 600 гаруй хүнд үзлэг хийж, 29 хүн эмнэлэгт хүргэгдсэн бөгөөд цаашид жагсагчдын эрүүл мэндийн байдалд эрсдэл учирч болзошгүй тул эрүүл мэндийн тусламж үйлчилгээг авах шаардлагатайг илэрхийлж, Нийслэлийн ЗДТГ-аас барьсан хоёр гэрийг буулгасан.
Харин жагсагчдын зүгээс СТӨ-нд байрлах асуудал дээр нэгдсэн ойлголт, байр сууринд хүрээгүй талцсан байдалтай байна.Түүнээс албадан буулгаагүй” гэв.
Мөн Нийслэлийн Засаг даргын Хэвлэлийн төлөөлөгч Н.Сугар “Соёлын Төв Өргөөг нээсэн учраас гэрүүдийг буулгасан” гэдгийг хэллээ.
