Өнөөдөр улс орнууд 00.00 цагийг заах мөчид оргилуун дарсаа буудуулан, шинэ оноо угтана. Цагийн бүсээс хамаарч зарим орны иргэд түрүүлж, зарим нь хоцорч шинэ оноо угтдаг. Өнө эртний түүхтэй баяртай холбоотой олон уламжлал, баримтууд бий. Эдгээрээс цөөн баримтыг сонирхуулж байна.
1. Анх 2000 гаруй жилийн өмнө алдарт Цезарийн тушаалаар нэгдүгээр сарын нэгний өдөр Шинэ жил тэмдэглэх болжээ. Юлиан болон Григорийн хуанлиар шинэ жилийн баярууд давхцдаг гэнэ.
2. Сүлд модыг гэрлэн чимэглэлээр гоёх уламжлал 1895 оноос эхтэй. Тухайн үед АНУ-ын Цагаан ордны өмнө суурилуулсан гацуурын ийнхүү гэрлэн чимэглэлээр гоёсон байжээ.
3. Италид, ялангуяа энэ улсын хөдөө нутгуудаар өнөө хэр нь эртний уламжлал хадгалагдан үлджээ. Энэ нь шинэ жилийн шөнө хуучин эд зүйлээ цонхоороо хаядаг уламжлал. Тиймээс шинэ жилийн шөнө Италийн гудамжуудаар явахадаа нэн болгоомжтой байх хэрэгтэй, заримдаа тавилгаа хүртэл цонхооро шидчихдэг гэнэ билээ.
4. Төвдөд Шинэ жилийн баяраар хуушуур хайран, гадаа яваа хүмүүст өгдөг уламжлалтай. Хэр ихийг тараана тэр хэмжээгээр ирэх онд аз жаргал, амжилт бүтээл арвин байхыг бэлгэддэг аж.
5. Дэлхийн анхны шинэ жилийн ил захидлыг 1843 онд Лондонд бүтээжээ.
6. Шинэ жилээр бэлэг өгөх уламжлал Эртний Ромд үүссэн бол гацуурын дор бэлэг нуух уламжлал олон зууны өмнө Орост үүсчээ.
7. Орост шинэ жилийн хамгийн алдартай кинонуудыг “Ирония судьбы или с лёгким паром” буюу “Ууранд суусан паян буюу хувь заяаны эргүүлэг” нэртэй Зөвлөлтийн кино тэргүүлдэг. Энэ кино оросуудын хамгийн дуртай шинэ жилийн киногоор олон жил шалгарч байсны дээр хэдийнэ 46 дахь жилдээ дэлгэцээр баярын өдөр гарч байна. Манай улсад ч энэ киног жил бүр шинэ жилийн баярын өдрөөр эсвэл арай өмнөхөн нь гаргадаг.
8. Микронезид жил бүр шинэ жилээр хүмүүс өөрсдөдөө гэр бүлийн нэр бодож олох бөгөөд үүнийгээ ойр дотныхон, төрөл төрөгсдөдөө хэлдэг. Мэдээж энэ нэрийг паспортан дээр бичихгүй, харин жил бүр ингэж өөр нэрээр дуудуулснаар муу сүнснүүдийг өөрсдөөсөө зайлуулна гэж үздэг аж.
9. Дэлхийн хамгийн том сүлд модыг Бразилийн Рио-де-Жанейро хотод чимэглэдэг. Энэ гацуурын өндөр нь 76 метр бөгөөд 20 давхар барилгатай тэнцүү гэсэн үг.
