Зам, тээврийн хөгжлийн дэд сайд Л.Халтар Улаанбаатар-Дархан чиглэлийн авто замын ажлын явцтай танилцжээ.
Тэрээр “Дарханы замын эхний хоёр урсгалтай хэсгийн суурь хучилт өнгөрсөн оны намар дууссан. Харин дахь дахь хоёр урсгалтай замын хучилтын ажил энэ жил үргэлжлэн явагдаж байна.
Нэг ба хоёрдугаар багц суурь хучилт дууссан. Одоо хоёрдугаар багцад 15 км, гуравдугаар багц 44 км, дөрөвдүгээр багц 20 км нийт 79 км үлдэж байна. Энэ оны аравдугаар сарын сүүл гэхэд суурь хучилтыг бүрэн дуусгахаар зорьж байна.
Зургаадугаар сарын сүүлээс орж эхэлсэн үргэлжилсэн бороо замын ажилд багагүй саад учруулсан ч алдсан цаг хугацаагаа нөхөж зарим багц дээр хоёр ээлжээр ажиллах зохион байгуулалт хийхийг гүйцэтгэгч нарт чиглэл болголоо” гэв.
