Нийт урт нь 119 см, ирний урт 73,7 см. Ир нь цэвэр гангаар хийгдсэн. Илдний хуйг хар аварга загасны арьсаар бүрсэн. Бариул тэргүүтэй илдний хэсгүүдийг алтаар хээлж урласан. Хээ нь Говь-Алтай аймгаас олдсон Галдан бошигт хааны эмээлний хээтэй яг ижилхэн байдаг.
1696 онд Галдан бошигт хаан манжид ялагдахад тэд илдийг нь хураан авч байжээ. Манжийн Канси Хуанди Хөх хотын Чонфу сүмээр дайран өнгөрөхдөө хамба ламд нь уг илдийг өгч хадгалуулсан байна.
Одоо БНХАУ-ын Жежиан мужийн Нинбо музейд хадгалагддаг. Илдний хайрцагны таглаа дээр “Канси Хуанди өөрийн биеэр Галдан хааны илдийг хураан авсан…” хэмээх хятад ханзаар бичсэн байдаг аж.
Дүгнэлт: Галдан хаан манжид баригдаагүй байтал илдийг нь яаж хурааж авав. Манж гүрэн өвчинөөр эсвэл амиа хорлосон Их хааны шарилыг Зүүнгараас нэхэхэд Цэвээнравдан “үхсэн хүнийг тайван орхи энд нь оршуулна” гэж цааргалсан ч арга буюу өгч явуулсан гэдэг.
