Өнгөрсөн онд үйлдвэрлэж эхэлсэн “Prius” автомашин нь дизайны хувьд илүү спорт хэв маягтай, арал нь намссан боловч дугуй нь томорсон гэдгээрээ өмнөх загваруудаас онцлог. Мөн их биеийн будаг нь хар оруулгатай, салоны үндсэн өнгө нь илүү бараан болж өөрчлөгдсөн.
Шинэ загварын “Prius” нь тус бүрдээ 198 морины хүч бүхий 1.8 литр болон 2.0 литрийн багтаамжтай хосолмол хөдөлгүүртэй. Харин Европын зах зээлд зориулж 2.0 литрийн багтаамжтай хөдөлгүүр бүхий цэнэглэдэг (plug-in hybrid) хувилбарыг мөн гаргаж байгаа.
2.0 литрийн хөдөлгүүртэй хувилбар нь 144 киловаттын цэнэг хураагуураар хүч нэмсэн бөгөөд 100 км/цагийн хурдыг 7.5 секундийн дотор авдаг. Байгаль орчинд ээлтэй, шатахуунд хэмнэлттэй байдлын үлгэр жишээ болсон “Prius” автомашины 1997 онд анх танилцуулагдсан цагаас хойших нийт борлуулалт 4.75 сая хүрээд байгаа аж.
