Япон улсад 100 давсан настай 92,139 хүн амьдарч байгаа ба тэдгээрийн 88.5 хувь нь эмэгтэй болохыг Баасан гарагт нийтлэгдсэн албаны статистик тоо баримт харуулжээ.
Есдүгээр сарын 15-ны байдлаар 100 болон түүнээс дээш настай хүний тоо жилийн өмнөхөөс 1,613-аар нэмэгдсэн байна.
Энэ нь 53 жил дараалан өссөн үзүүлэлт болжээ. Япон улсын Эрүүл Мэнд, Хөдөлмөр, Нийгмийн Хамгааллын яам Даваа гарагт тус улсад тэмдэглэх ахмад настнуудад хүндэтгэл үзүүлэх өдрийг тохиолдуулан дээрх тоо баримтыг танилцуулсан юм.
Одоо Японд 100,000 хүн ам тутамд 73.74 зуун настан оногдож байгаа нь дэлхийд тэргүүлэх үзүүлэлтүүдийн нэг юм байна.
Эмэгтэй зуун настнуудын тоо 81,589 хүрч, өмнөх жилээсээ 1,428-аар өссөн байна. Японы хамгийн өндөр настай эмэгтэй Осака мужийн 116 настай Фуса Тацуми болжээ.
2022 оны байдлаар тус улсын эмэгтэйчүүдийн дундаж наслалт 87.09 болсон байна. Харьцуулбал эрэгтэйчүүдийнх 81.05 байгаа юм.
Японы хамгийн өндөр настай эрэгтэй Чиба мужийн 111 настай Гисабуро Сонобе болжээ.
Анх бүртгэл эхэлсэн 1963 онд Японд зуу настны тоо 153 байсан байна.
1998 онд тэдний тоо анх удаа 10,000-ын босгыг давж байжээ.
Эх сурвалж: Kyodo News
