ЕБС-ийн сурагчдын улирлын амралт эхэлсэнтэй холбоотойгоор хүүхдийн ахуйн хүрээний осол гэмтэл, цана чарганаас унаж гэмтэх тохиолдол нэмэгдэх хандлагатай байгаа талаар ГССҮТ-ийн Яаралтай тусламжийн тасгийн их эмч Л.Бум-Аюуш мэдээлэл өглөө.
Тэрбээр “Иргэд машины араас чанга холбож, чирч явдаг. Үүнийгээ хүмүүс хэлдэггүй. Чарга хагарч, хэмхрэх боломжтой байдгийг санах хэрэгтэй. Чарганы хугарсан хэсэг биед зоогдсон тохиолдлууд ч ирж байна. Хамгийн сүүлд ирсэн дуудлагаас харахад шулуун гэдэс урагдсан байдалтай ирсэн.
Энэ сарын 5-8-ны өдрийн байдлаар ГССҮТ, салбар эмнэлгүүдээр 1225 өвчтөн үйлчлүүлсэн байна. Үүний 267 нь халтиргаа гулгааны улмаас гэмтсэн бол 47 хүн цана чаргаар гулгасны улмаас гэмтсэн байна” гэв.
Иргэд та бүхэн
- Чанарын шаардлага хангасан цана чарга сонгох
- Дов жалганы ойролцоо болон өндөрлөг газраас гулгахгүй байх
- Автомашины араас чаргаа чирүүлэхгүй байх
- Хэт олон чаргаар залгаж гулгахгүй байх
- Хашаа, шон, автомашин болон бусад зүйлийг мөргөхөөс сэргийлэх
- Цана, чаргаар гулгаж байгаа хүмүүсийн өөдөөс сөрж алхахаас зайлсхийх
- Бага насны хүүхэддээ тавих анхаарал халамжаа сайжруулж, болзошгүй эрсдэлээс урьдчилан сэргийлэх шаардлагатай.
Эс сурвалж: ГССҮТ
