Мандалговь-Даланзадгад чиглэлийн авто замын 295.1-.295.4 км-т буюу Даланзадгад хотоос 10 км орчимд 300 м урт хэсэгт үер бууж, зам дээгүүр давж урсаж байна.
Өмнөговь аймгийн Даланзадгадаас Баяндалай явах замд 64 км-ийн тэмдэгтийн хажууд бороо орж, үер буусны улмаас замын хажуу далан нурах магадлалтай болжээ.
Тиймээс зорчигч тээвэр хийж байгаа жолооч нар анхааралтай байж, эсрэг урсгалаар явна уу.
Жолооч та замын хөдөлгөөнд оролцохдоо анхаарал болгоомжтой зорчино уу гэж Өмнөговь аймгийн Засаг даргын Тамгын газраас мэдээллээ.
