Зам, тээврийн сайд Б.Дэлгэрсайханы өгсөн үүрэг, чиглэлийн дагуу Дорноговь аймгийн Замын-Үүд сумын төлбөр авах цэгийн үйл ажиллагааг өнөөдрөөс /2024.08.05/ бүрэн цахимжууллаа.
Иргэд, тээвэрчид та бүхэн төлбөрөө www.ezam.mn, e-Mongolia, Аutobox, Toki, Mostmoney, Gerege аппликейшнаар төлөх боломжтой.
Тээвэрлэгч иргэн, аж ахуй нэгж байгууллага нь Авто тээврийн хэрэгслийн техникийн байдалд тавих ерөнхий шаардлага “MNS 4598:2020” стандартад нийцүүлэн тээвэрлэлт хийхийг зөвлөж байна.
2024 онд улсын хэмжээнд байрлах бүх төлбөр авах цэгүүдийг цахимжуулахаар төлөвлөн ажиллаж байгааг Зам, тээврийн хөгжлийн төв ТӨҮГ-аас мэдээллээ.
