Марта Стьюарт шиг “Өөр өөр салбарт хүч сорьж үзэх”
Бизнесийн салбарт ихээхэн амжилт олсон хатагтай Марта Стьюарт анх фото модель байсан бөгөөд удалгүй “Wall Street”-д түүхий эдийн арилжаа хийж эхэлжээ. Энэ нь түүнийг хоолны бизнест татагдан орж өөрийн нэрээр нэрлэсэн брэндээ гарган гялалзсан амжилтанд хүрэхийн үндэс болсон аж. Тэрбээр залуудаа ийнхүү алдаж оносон ч бууж өгөлгүй өөрийнхөө жинхэнэ замыг олохын тулд олон зүйлийг туршиж үзсэн нь амьдралын томоохон туршлага болж өгчээ. Тиймээс та яг ямар салбарт хүч сорихоо хараахан олж чадаагүй бол эрлээ бүү зогсоогоорой.
![\"\"](http://undesten.mn/uploads/posts/2017-03/1489717374_download-4.jpg "\\"\\"")
Опра Уинфри шиг “Цуцалтгүй хөдөлмөрлөх”
Телевизийн супер од Опра Уинфри байр сууриа олохын тулд их олон газар ажиллаж байжээ. Тэрбээр коллежоо төгсөөд Нашвилл, Теннесси, Балтимор, Мэриленд зэрэг мужид сурвалжлагчаар ажиллаж дадлага туршлага хуримтлуулсан байна. Ингэж таван жилийг үдсэний дараа Балтиморт анхныхаа шоугаа нээж 8 жил хөтөлжээ. Мөн түүний дараа Чикаго хотод өглөөний нэвтрүүлэг хөтөлдөг байв. Харин алдарт “Опра Уинфригийн шоу” 1986 оноос гарч эхэлсэн нь түүнийг хэвлэл мэдээллийн салбарт ажиллаж эхэлснээс 15 жилийн дараа байсан юм.
![\"\"](http://undesten.mn/uploads/posts/2017-03/1489717421_1297tiju1stgkmte8jrvkppmlf.jpg "\\"\\"")
Келли Рипа ба Марк Конселас нар шиг “Амьдралын ханиа зөв сонгох”
АНУ-ын дэлгэцийн од Келли Рипа, Марк Конселас нар 1996 онд хорь гаруй насандаа хуримаа хийжээ. Тухайн үед Келли амжилтынхаа гарааг “Regis and Kelly” шоугаар, харин Марк “All My Children” нэвтрүүлгээр эхэлсэн түүхтэй. Бие биесээ ойлгон дэмждэг, амьдралын жинхэнэ ханиа олсон хүмүүс амжилтанд хүрэхэд илүү дөхөм байдаг ажээ. Иймд амьдралын хамтрагчаа сонгох эгзэгтэй үедээ яваа залуус маш няхуур нухацтай байх хэрэгтэй.
![\"\"](http://undesten.mn/uploads/posts/2017-03/1489717576_meoo7djc83s2icqmh17bdhjsm.jpg "\\"\\"")
Марисса Майер шиг “Эрсдэлтэй алхам хийж үзэх”
Марисса Майер Стэнфордын их сургуулийг төгссөнийхөө дараа 14 газраас ажлын санал хүлээж авчээ. Тэдний нэг нь \”Google” компани байсан бөгөөд тухайн үед ердөө 19 ажилтантай байж. Гэсэн ч тэрбээр зориглон тэдний саналыг хүлээж авсан нь тус салбарт амжилт гарган улмаар “Yahoo” компаний захирал болохын үндэс болсон юм.
![\"\"](http://undesten.mn/uploads/posts/2017-03/1489717583_16mj1f61oj4js5ra944hg9n0m5.jpg "\\"\\"")
Кондолиза Райс шиг “Сайн зөвлөгчөө олох”
Улсын нарийн бичиг болохоос олон жилийн өмнө Кондолиза Райс Денверийн их сургуульд доктор Йозеф Корбелоор хичээл заалгадаг байжээ. Багшийнх нь манлайлагч байдал Райсыг улс төрийн замаар замнахад нь ихээхэн түлхэц болжээ. Тэрбээр багштайгаа үргэлж холбоотой байж докторын зэрэг хамгаалах, төрийн байгууллагад ажиллах зэрэг олон тал дээр туслалцаа авсны ачаар гайхамшигтай амжилтанд хүрсэн аж.
![\"\"](http://undesten.mn/uploads/posts/2017-03/1489717513_17jme876c5eg5uhetrqdbc8cir.jpg "\\"\\"")
Сьюз Орман шиг “Алдаагаа амжилт болгож сурах”
Санхүүгийн шилдэг зөвлөх Сьюз Орман хориод насандаа маш том гарз хохирлыг амсаж байжээ. Тэрбээр хэдэн жилийн турш зөөгч хийснийхээ дараа өөрийн ресторанаа нээхээр шийдэж хэсэг хүнтэй хамтрахаар хөрөнгө оруулалт хийсэн боловч тэд итгэлийг нь хөсөрдүүлж Орман юу ч үгүй хоцорсон байна. Энэ явдал түүнд том сургамж болж, санхүү, хөрөнгө оруулалтын талаар гүн гүнзгий судалгаа хийж улмаар мэргэжилтэн болох замд хөтөлсөн аж.
Эх сурвалж: playskull.mn
