УИХ-ын Ёс зүй, дэгийн байнгын хорооны хуралдаан өчигдөр /2025.04.09/ боллоо.
Хуралдааны үеэр Байнгын хорооны дарга Б.Баярбаатар УИХ-ын гишүүн Б.Найдалаа П.Наранбаяр нар зодолдсон асуудлаар 2025 оны 4-р сарын 7-ны өдөр байнгын хорооноос энэ талаараа 4-р сарын 15-ны дотор тайлбар ирүүлэх агуулга бүхий албан бичиг явуулсан гэв.
ХҮН намын гишүүн УИХ-ын гишүүн П.Наранбаяр, Б.Найдалаа нар зодолдсон гэх мэдээлэл цацагдсаны маргааш сайд П.Наранбаяр зүүн нүднийхээ дээр наалт наасан явж байв.
Энэ явдлын маргааш Сайд П.Наранбаяр, Зодоон болоогүй, санамсаргүй цохиулаад нүдэн дээрээ хоёр оёдол тавиулсан гэж тайлбарласан.
ХҮН намын дарга Шадар сайд Т.Доржханд мөн зодоон болоогүй. Манай намд зодоон нүдээн хийдэг хүн байхгүй. Эрдэмтэн, судлаач номын хүмүүс шүү дээ. Золгүй явдал болсон гэх тайлбар өгсөн.
Тэгвэл энэ явдлыг золгүй явдал биш зодоон гэж байнгын хороо үзэж, тайлбар ирүүлэхийг хүссэн бололтой.
