Эрчим хүчний сайд Б.Чойжилсүрэнг улираан томилох саналыг шинэ Ерөнхий сайд оруулав.
Б.Чойжилсүрэн сайд ДЦС 3-т гарсан ослын хариуцлагыг үүрэхэд бэлэн гэсэн ч түүнийг дахин сайдаар ажиллуулах санал орууллаа. УИХ эцсийн шийдийг гаргана.
Б.Чойжилсүрэн “Энэ сарын 10-наас эхлэн Эрчим хүчний сайд ДЦС-уудын төрийн өмчийн хувьцааг эргүүлэн авч, хувьцаа эзэмших боллоо. Энэ жилийн өвөлжилтийн бэлтгэл ажил удааширсан нь үнэн. Өнгөрсөн оны өдийд 40-50 хувьд хүрсэн байв. Харин одоо нийт бэлтгэлийн 10 хувийг хангасан.
Эвдэрсэн турбиныг засах боломжгүй, солино. Ослын шалтгааныг надад мэдээлээгүй байна. Шалтгаан тодорхой болонгуут надад мэдэгдэнэ. Тэр үед би Засгийн газарт танилцуулна.
Ажилчдын цалингийн тухайд бага байна. Цахилгааны үнийг улсаас зарлан мөрдүүлдэг. Зах зээлийн харилцаанд бүрэн шилжээгүй салбар шүү дээ. Цахилгааны үнийг нэмснээс хойш нийт 500 тэрбум төгрөгөөр орлого өссөн. Гэхдээ энэ мөнгө бага багаар орсон.
2027 оны зургаадугаар сарын 30-наас эхлэн манай улсын эрчим хүчний салбар чадлын дутагдлаа нөхнө. Илүүдэл эрчим хүчээ экспортолж эхэлнэ” гэв.
Ерөнхий сайд Г.Занданшатар “Эрчим хүчний салбарыг нэг толготой болгоно. Эрчим хүчний зөвлөл, эрчим хүчний хороо гэх мэт олон байгууллага байгааг нэтгэнэ.” гэв.
