АНУ-ын ерөнхийлөгч Дональд Трамп Мягмар гаригт /2025.07.15/ энхийн хэлэлцээр байгуулах 50 хоногийн саналыг хүлээн зөвшөөрөхгүй бол Оросын эрчим хүчний экспортод 100 хувийн татвар ногдуулна гэж сүрдүүлсэн.
Үүний дараа ОХУ-ын хөрөнгийн зах зээл нэг хувиар өсчээ. Москвагийн цагаар Мягмар гаригийн өглөөний 10:00 цагийн байдлаар “MOEX” индекс 1.18 хувиар өсч 2746 нэгжид хүрсэн бол ам.доллараар илэрхийлэгддэг “RTS” индекс 1.2 хувиар өсч 1104 нэгжид хүрсэн байна. Мөн алт олборлогч “Полюс”, усан тээврийн аварга “Совкомфлот”, улсын зээлдэгч “ВТБ”, эрүүл мэндийн үйлчилгээ үзүүлэгч “MD Medical Group”-ын хувьцаанууд 1.8 хувиар өсчээ.
Рублийн ам.доллартай харьцах ханш 0.24 хувиар өсч 77.91 болсон бол юанийн эсрэг бага зэрэг чангарч 10.87 болжээ.
