🔶 Монгол Улсын Шадар сайд, УОК-ын дарга С.Амарсайхан Баруун бүсийн төв- Ховд аймгийн онцгой байдлын газарт ажиллаж, техник тоног төхөөрөмж, хувцас хэрэгсэлтэй танилцаж, шаардлагатай тоног төхөөрөмж болох туулах чадвар сайтай хоёр автомашин, эрэн хайх дрон, богино долгионы станцыг шийдвэрлэлээ.
🔶 Баруун бүсийн төв- Ховд аймгийн онцгой байдлын газарт 2025 он гарсаар гал түймэр, гамшиг осол, үер, усны зэрэг нийт 64 удаагийн дуудлага мэдээлэл бүртгэгдэж, алба хаагчид үүрэг гүйцэтгэн ажиллажээ. Хамгийн сүүлд л гэхэд өчигдөр /2025.08.02/ Эрдэнэбүрэн суманд 1 настай хүүхэд гэрийнхээ ойролцоо тогтоол усанд эндсэн харамсалтай хэрэг гарсан байна. Иймд эцэг эхчүүд бага насны хүүхдэдээ тавих хараа хяналтаа сайжруулах, иргэн бүр сонор сэрэмжтэй, анхаарал болгоомжтой байхыг алба хаагчид онцгойлон анхаарууллаа!
🔶Баруун бүсийн төв-Ховд аймгийн онцгой байдлын газар нь Ховд, Увс, Завхан, Говь-Алтай, Баян-Өлгий гэсэн нийт 5 аймгийн 92 сумын 416 мянга гаруй иргэнд болзошгүй гамшгийн аюулаас урьдчилан сэргийлэх, гамшгийн эрсдэлийг бууруулах, гамшгаас хамгаалах үйл ажиллагаанд олон нийтийн оролцоог хангах, хүч хэрэгслийн чадавхыг нэмэгдүүлэх чиглэлээр ажиллаж байна.
