Х.Бадамсүрэн тансаглалаа чамлав уу

 

 

Эрдэнэт үйлдвэрийн шинэ дарга болж тансаг тавилга, үнэтэй машинаараа хэл аманд өртөөд байгаа Х.Бадамсүрэн өөрийгөө өмөөрч тайлбар хийжээ. Өнөөдөр Уул Уурхайн яаманд болсон хэвлэлийн хурлын үеэр \”Манай үйлдвэр хоногт 1,5 сая долларын бүтээгдэхүүн олборлож байна. Миний нэр холбогдсон тавилга машины асуудал байна. Ер нь үе үеийн захирлууд том \”жийп\” машин унаж байсан. Би энэ үйлдвэрийн ерөнхий захирлын ажлаа өнгөрсөн 11 сарын 30-нд хүлээж авсан. ТУЗ-ийн хувийн саналаар томилсон. Машины асуудал 11-р сарын 20-ныүеэр яригдсан юм билээ. Үүнийг Төрийн өмчийн бодлого зохицуулалтын газраас шийдсэн асуудал. Ерөнхийзахиралаарнадаас өөр Дорж гэх нөхөр очсон байлаа ч энэ машиныг унана. Надад машин унаа үзээгүй юм шиг тансагласан зүйл байхгүй. Өмнө нь ерөнхий захирал орлогч нарт байрыг засварлаж өгсөн тохиолдол байсан. Түүнээс биш Х.Бадамсүрэн гэдэг хүн очоод ганцаараа тансагласан зүйл байхгүй” гэж хэлжээ.

Юу ярьж байгаагаа мань хүн ойлгож байсан гэж найдъя. Тэр том албан тушаал дээр зуун хувийн санал авч очсон хүн мундаг л байх ёстой. Сэтгүүл зүйг хүмүүс муучлах нь элбэг. Гэхдээ сэтгүүлчид тусдаа хүн биш тул үйл явдал, үг хэл нийгэмд яаж сонсогдож байна, яаж харагдаж байна тэр хэвээр нь бичдэг. Энэ удаа Х.Бадамсүрэнгийн энэ хэдэн өгүүлбэр утга зүйн хувьд юуг илэрхийлж байна вэ гэдгийг бодож үзье. Тэрээр үе үеийн захирлууд 570 машин унаж ирсэн гэж хэлжээ. Улс орон эдийн засгийн хямралтай үед 300 саяын машин авахуулж унаж байгаагаа нь жам ёсны зүйл гэж тэр хэлж байна. Би авахуулсан юм биш намайг томилогдох сургаар авч өгсөн юм. Манай дарга нар ер нь ингэж унадаг ёстой юм гэсэнтэй адил утгатай өгүүлбэр. Үйлдвэр хоногт 1.5 сая долларын бүтээгдэхүүн олборлож байхад яасан сүртэй юм. Ийм үйлдвэр удирдаж байгаа хүн ийм машин унах ёстой гэсэн утгаар дээрх тоог хэлсэн биз.

Хувийн компани байсан бол яая гэхэв юу дуртайгаа унаж болно. Харин улсын үйлдвэрийн орлого даргын унах машин хоёрт харилцан хамаарал байх ёсгүй л баймаар юм. Эрдэнэт үйлдвэрийн дарга жилд хэд ч солигдсон 300 саяын үнэтэй машин унах эрхтэй бол энгийн амьдралд нухлуулж яваа иргэд хөдөлмөрийн хөлсний доод хэмжээ 240 мянган төгрөгийн төлөө нойр хоолгүй зүтгэж явна. Түүний машины мөнгөөр мянга гаран ахмадын нэг сарын тэтгэвэр тавьж болох тухай, эсвэл арван гурван мянган хүүхэд нэг сар хүүхдийн мөнгөө авч хүрэх тухай мань эрд огт хамаагүй бололтой. Хувь хүний ёс зүй нь төрийн том үйлдвэрийн дарга улсын төсвийн мөнгөөр 300 саяын машин унаж байгаагаа өнгөрсөн дарга нартай холбох хэмжээнд бүрэлдсэн юм байна. Дарга нар нь 180саяаартавилга авч, 24 саяар байр засварлах тогтсон жишигтэй гэж мөн мань эр хэллээ. Энэ жишгээс хоцорвол өөрөө нэг л доошоо орчих гээд байсан юм болов уу. 180 сая төгрөгөөр тавилга авна гэдэг ойлголт манай баячуудад ч чанга сонсогдоно. Хүн өөрийн хүч хөдөлмөрөөр олсон мөнгөндөө харам байдаг. Тэр тэрбумтан байгаад халааснаасаа 180 сая төгрөг зүгээр л тавилганд зарцуулах байсан гэвэл итгэхэд бэрх. Улсын мөнгө болохоор \”хүний” юманд хүнийрхүү хандаж байгаа нь энэ. Х.Бадамсүрэн гэдэг хүн тансаглаагүй гэнэ. Тансаглал наад чинь мөнөөсөө мөн. Хотын төв гурван өрөө байр авах мөнгөөр тавилга авах нь өмнөх дарга нарын чинь чамд халдаасан тансаглал байна. Татгалзаж чадаагүй нь өөрийг тань машин унаа үзээгүй юм шиг, байр орон сууц хараагүй юм шиг зан гаргасан л гэж дүгнүүлнэ.