МАН-ын ахмад зүтгэлтнүүд, залуучуудаас МАН-ын Удирдах зөвлөлд Онц их хурлыг хуралдуулах тухай шаардлага хүргүүлж байгаа талаараа өнөөдөр мэдээлэл хийлээ.
Нам дотор болж байгаа будилаантай зүйлсийг зөвхөн Онц их хурлаар шийдвэрлэх ёстой учир уг хурлыг зарлан хуралдуулах талаар дараах шаардлагыг тавьж байгаа юм байна.
МАН-ын Удирдах зөвлөлд шаардлага хүргүүлэх тухай
МАН-ын 6, 8-р бага хурлын алдаа зөрчилтэй шийдвэрүүдээс үндэслэн УИХ-ын дарга, Ерөнхий сад нарын хооронд үүссэн намын даргын албан тушаалын хэрүүл маргаан намын хүрээнээс гарч УИХ-ын гишүүд, намын с Монгол Улсын Үндэсний аюулгүй байдлын зөвлөлийн гишүүн, УИХ-ын дарга, Ерөнхий сайд нарын энэхүү хэрүүл маргаан зөвхөн намын даргын төлөө хэрүүл маргаан биш гэдэг нь тодорхой болж байна.
Энэ нь:
Нэгдүгээрт Монгол Улсын их хурал, Засгийн газар МАН-ын удирдлагад нам төрийн удирдах албан тушаалтны өндөр хариуцлага, ёс зүй алдагдаж, хууль зөрчих Монголын байгалийн баялаг, газар нутаг, төрийн өмчийг эзэнгүйдүүлэн хувьдаа завших авлигал хээл хахуулийн бүлэглэл хуйвалдааны хууль бус үйлдэл ноёрхсоны бодит илрэл гэж үзэж байна.
Хоёрдугаарт УИХ, Монгол ардын намын бага хурал, Удирдах зөвлөлд боловсон хүчний бодлого алдагдаж, нам төрийн ажлын мэдлэг туршлагагүй, Монгол эх орон, газар нутаг, ард түмнээ хайрлан хүндэтгэх сэтгэлгүй, хувиа хичээж, булхай луйврын аргаар баяжсан төдийгүй хариуцлагагүй хүмүүс олширсны улмаас асуудлыг эх орон ард түмний эрх ашигт нийцүүлэн зарчимч шударгаар шийдвэрлэх чадваргүй болсон байна.
Үүнийг намын 6, 8-р их хурлын шийдвэр, Монгол Улсын Ерөнхий сайдыг огцруулсан УИХ-ын чуулганы хуралдаан, УИХ-ын гишүүдийн талцан хуваалцсан бүлэглэлийн Үндсэн хууль зөрчсөн ноцтой үйл ажиллагаа батлан харууллаа.
Гуравдугаарт энэ оны есдүгээр сарын 28-нд хуралдсан МАН-ын наймдугаар бага хурлын гишүүд намын даргын сонгуулийг дахин явуулахдаа дүрэм журмаа сайтар ярилцаж шийдвэрлэхийн оронд бүлэглэн талцаж, хоёр нэр дэвшигчийн нэгийг нь хасаж, хүч түрэмгийлэн санал хураах ажил зохион байгуулсан ноцтой ажиллагаа болж зөрчил маргааныг улам хурцатган даамжруулж УИХ, Засгийн газрын хэрүүл тэмцэл болгож, МАН-ын нэр хүндийг унагаж намын гишүүд дэмжигчдэдээ гутаан доромжилсоор байна.
Ийнхүү эх орон, ард түмэн, түүхэн уламжлал, өв соёл, газар нутгаа хайрлах сэтгэлгүй УИХ-ын ёс зүйгүй зарим гишүүд төрийн өндөр албан тушаалтнууд гадна дотнынхонтой сүлбэлдэж зүй бусаар хөрөнгөжсөн шударга бус хүмүүсийн бүлэглэл хуйвалдаан Монгол Улсын Үндсэн хуулийг зөрчиж, Засгийн эрхийг хууль бусаар авахыг завдсан. Үндэсний аюулгүй байдлыг алдагдуулах, улс орон ард түмний эрх ашгийг хохироох ноцтой байдалд хүрлээ.
Энэ байдлыг үндэслэн МАН-ын удирдах зөвлөл, намын ерөнхий нарийн бичгийн дарга, намын дэргэдэх ахмадын холбоо, Социалдемократ залуучуудын холбооны ерөнхийлөгч, Социалдемократ эмэгтэйчүүдийн холбооны удирдлагад дараах шаардлагыг хүргүүлж байна.
Үүнд:
1. Баталсан дүрэм журмаа зөрчиж, алдаа зөрчилтэй шийдвэр гаргаж бүлэглэл талцал үүсгэсэн МАН-ын 8-р бага хурал, Монгол Улсын Үндсэн хуулийг зөрчиж Засгийн газар огцруулсан УИХ-ын зарим гишүүдийн ноцтой үйл ажиллагаанд нухацтай дүгнэлт хийж, намын үйл ажиллагааг эрүүлжүүлэх зорилгоор МАН-ын Онц их хурлыг яаралтай зарлан хуралдуулахыг шаардаж байна.
2. МАН-ын ээлжит 31-р их хурлыг хойшлуулж онц их хурлын дараагаар хуралдуулах шийдвэр гаргах.
3. МАН-ын Онц их хурлыг хуралдуулах тусгай комисс байгуулан ажиллаж үүссэн нөхцөл байдлыг намын бүх шатны болон намын дэргэдэх ТББ-үүдийн хурлаар хэлэлцүүлэн нэгдсэн дүгнэлт хийж, цаашдын бодлого зорилгоо тодорхойлох шаардлагатай байна.
4. МАН-ын ахмад зүтгэлтнүүд, намаа шинэчлэх залуучуудын хамтын хүч хөдөлмөрийн энэхүү шаардлагыг дэмжиж нэгдэхийг намынхаа нийт гишүүд дэмжигчдэд уриалж байна.
