УИХ-ын гишүүдийг Үндсэн хуулийн цэц, ТЕГ-аар шалгуулах, УИХ-ыг тараах эсэх асуудлаар Ард нийтийн санал асуулга явуулах санаачилгын тухай Ард нийтийн сонсгол зохион байгуулах хөдөлгөөн, Ард нийтийн санал асуулга зохион байгуулах хөдөлгөөн мэдээлэл хийлээ. Энэ үеэр уг хөдөлгөөний санаачлагчдын нэг, хуульч Х.Бат-Ялалт: “Бид дараах мэдээллийг хийж байна.
Үүнд:
1. Үндсэн хууль зөрчдөг, гэмт хэрэгт холбогдсон гишүүдтэй УИХ-д цаашдаа итгэл үзүүлэх, эс үзүүлэх асуудлаар Ард нийтийн санал асуулга зохион байгуулах хөдөлгөөн үүсгэн байгуулж байна.
2. УИХ-ын дэд дарга Х.Булгантуяа нарын нэр бүхий УИХ-ын гишүүд үгсэн хуйвалдаж Үндсэн хуулийн бус аргаар төрийн эрх мэдлийг авах хуйвалдаан зохион байгуулсан байж болзошгүй үйлдлийг ТЕГ шалгаж шийдвэрлэхийг шаардана.
3. УИХ-ын гишүүдийг дарамталсан тухай мэдээллийг мөн шалгуулахаар хууль хяналтын байгууллагад хандаж байна.
4. УИХ-ын тогтоол Үндсэн хууль зөрчсөн талаар Үндсэн хуулийн цэцээс дүгнэлт гаргасан боловч УИХ-ын гишүүд Үндсэн хууль зөрчсөн эсэх талаар дүгнэлт гаргаагүй. Тиймээс Үндсэн хууль зөрчсөн УИХ-ыг тогтоолыг баталсан УИХ-ын гишүүд Үндсэн хууль зөрчсөн эсэх талаар дүгнэлт гаргуулахаар Үндсэн хуулийн цэцэд хандан гомдол гаргаж байна. Учир нь УИХ-ын гишүүн Үндсэн хууль зөрсөн нь УИХ-ын гишүүнээс эгүүлэн татах үндэслэл болдог.
” гэв.
