МАН-ын ХХХI Их Хурал Буянт-Ухаа спорт цогцолборт эхэллээ.
Энэ удаагийн Их Хуралд 2255 төлөөлөгч оролцож, МАН-ын даргаа сонгохоос гадна ирэх дөрвөн жилийн мөрийн хөтөлбөр болон намын дүрмийг өөрчлөлтийг хэлэлцэж батлах юм. Мөн Хяналтын Хороо болон Бага Хурлаа шинэчилнэ.
Их Хуралдааныг МАН-ын бүлгийн дарга Ж.Батжаргал даргалахаар болжээ.
Хурлыг УИХ-ын дарга асан Д.Амарбаясгалан нээж үг хэлэв. Маргааш өндөрлөх энэ хурлаар МАН-ын Бага хурлын 300 орчим гишүүнийг томилно.
Тус хурлаар намын дүрмээ шинэчлэн батлах болжээ. Дүрмийн төслийг боловсруулах салбар хуралдаанд дараах саналуудыг хэлэлцжээ.
-
Ялсан намын дарга Ерөнхий сайдад нэр дэвшинэ гэсэн заалтыг хасах, эсхүл УИХ дарга, УИХ бүлгийн дарга болгох
-
Ялсан үед намаас нэр дэвшиж, УИХ-оос сонгогдсон Ерөнхий сайд намын мөрийн хөтөлбөрийг заавал хэрэгжүүлэх тухай нэмж оруулах.
-
Намын Бага хурлын гишүүнд зөвхөн намын ИХ ХУРЛЫН төлөөлөгчийг дэвшүүлж сонгох, намын анхан шатны нэгжийн төлөөллийг түлхүү оруулах
-
20.1-т мөн дүүргийн иргэдийн хурлын дарга нар бодлогоор орох тухай нэмж оруулах
-
Бага хурлын гишүүний татварыг давхардуулж, анхан шатны дарга нарааас авахгүй бөгөөд анхан шатанд гаргасан зардлыг дүйцүүлж тооцох
-
Намын УЗ-д анхан шатны жирийн гишүүдийн төлөөлөл оруулах
-
Намын хяналтын нэгжүүдийн эрх мэдлийг нэмэх, үйл ажиллагааг сайжруулах,
-
8.6 буюу бүх асуудлыг Хяналтын ерөнхий хороо төвлөрүүлэн шийдэх заалтыг хасах, хяналтыг хараат бусаар хэрэгжүүлэх
Их хурлаар намын дүрмийн өөрчлөлт, мөрийн хөтөлбөрийн хэрэгжилт, намын даргыг сонгох гэсэн гурван гол асуудлыг хэлэлцэнэ. Намын дүрмийн өөрчлөлтөд намын дарга ерөнхий сайдаар ажиллана гэх бичигдээгүй дүрэм гишүүдийн анхаарлыг татаж маргаан өрнүүлж байгаа аж.
Энэ дүрмийг парламентийн засаглалтай өндөр хөгжилтэй орнууд мөрддөг. МАН-ын энэ бичигдээгүй дүрмийг 10-аад жил мөрдсөн байна. Их хурдаар дүрмийг өөрчилье гэх саналыг намын гишүүд гаргаж байна.
