УИХ-ын гишүүн Ж.Баярмаа “Харбины гэрээ”-тэй холбоотой асуудлаар байр сууриа илэрхийлэв.
Тэрээр “Харбины гэрээг хянан шалгах түр хороо байгуулагдах процесс их нарийн юм байна. УИХ-д суудалтай бүх намаас орно гэдэг ч юм уу? Үүний дагуу бид 11 хүний бүрэлдэхүүнтэй түр хороо байгуулах хүсэлтээ өгчихсөн. Төмөр замын хил холбохыг УИХ-ын гишүүд бүгд дэмжиж байгаа.
Харин нүүрсний борлуулалтын үнэ л хамгийн гол асуудал байгаа.
2024 оны 2-р сард “Эрдэнэс Тавантолгой”-ын БЭТ байсан Ж.Ганбат гэдэг хүн ЗГХЭГ луу Хятадтай хийж буй хэлэлцээрийн тухай бичиг явуулахдаа “Хятадын тал манай нүүрсийг биржийн үнээр авахыг хүлээн зөвшөөрөв гэсэн байдаг. Өнөөдөр бирж дээр нүүрс нэг тонн нь 120 ам.доллараар зарагдаж буй бол яг тэр тэр үнээр чинь авья гэдгийг хүлээн зөвшөөрсөн гэсэн үг.Өнөөдөр бидний ярьж буй 50 хэдэн доллараас 2 дахин илүү зарах боломж байсан байна. Энэ бол хамгийн чухал зүйл. Яахав айлын тал бол 5 хувь хөнгөлөөч ээ гэж тавьсан байсан. Өөрөөр хэлбэл 114 доллараар зарах боломж байсан байна. Гэтэл яагаад 16 жилийн турш 50 хэдэн доллараар Хятадад нүүрсээ зарахаар болчихов гэдэг асуудал л хамгийн асуудалтай байгаа юм” гэлээ.
