Нийслэлийн Иргэдийн төлөөлөгчдийн хурал /НИТХ/-ын дарга А.Баярыг огцруулах саналыг МАН-ын бүлгийн 27 төлөөлөгч гаргасан байна.
Тодруулбал, НИТХ-ын төлөөлөгч Б.Мөнхбаатар, Н.Оюунзул, Г.Ууганбаяр, Ц.Баттөр, Ц.Төрхүү, Х.Нямбаатар, Ж.Сандагсүрэн, Б.Сэргэлэнбаатар, Б.Хуягбаатар, Б.Ану-Үжин, Ж.Энхжаргалан, М.Мандуул, С.Даваасүрэн, А.Амартүвшин, Б.Наянбаяр, Ихбаяр, Б.Сэмжидмаа, Б.Мягмар, Т.Отгонболд, Ч.Мэндбаяр Ж.Батбаясгалан, Ж.Батбаясгалан, Д.Ундармаа, Ч.Батзориг нарын 27 төлөөлөгч огцруулах санал гаргаж дэмжжээ. Иймээс НИТХ-ын ээлжит бус VII хуралдаанаар А.Баярыг НИТХ-ын даргаас огцруулах асуудлыг хэлэлцэх болж байна.
Түүнийг төсвийн мөнгийг хууль бусаар зарцуулсан, өнөөдөр товлогдсон байсан НИТХ-ын ээлжит бус хуралдааныг хууль зөрчин хойшлуулсан зэрэг үндэслэлээр огцруулах санал гаргажээ.
Нийслэлийн Иргэдийн төлөөлөгчдийн хурлын ээлжит бус хуралдаанаар НИТХ-ын дарга А.Баярыг огцрууллаа. НИТХ-ын ээлжит бус хуралдаанд 31 төлөөлөгч оролцсоноос 29 нь буюу 93.5 хувь нь НИТХ-ын дарга А.Баярыг огцруулахыг дэмжиж санал өглөө. Иймээс А.Баярыг НИТХ-ын даргаас огцруулж, тогтоолын төслийг баталлаа.
НИТХ-ын ээлжит бус хуралдааныг 30 минут түр завсарлуулаад байгаа бөгөөд НИТХ-ын даргад хэнийг нэр дэвшүүлэхээ МАН-ын бүлэг хэлэлцэж байгаа юм.
