Домогт реппер Тупак Шакурын амийг хөнөөсөн хэрэгт Дуэйн “Кеффе Д” Дэвисийг нэгдүгээр зэргийн хүн амины хэрэгт гэм буруутайд тооцлоо.
Ингэснээр 1996 онд болсон, бараг 30 жилийн турш тайлагдаагүй хэргийг шүүхээр эцэслэн шийдвэрлэж байна.
Дэвисийг 1996 оны есдүгээр сард Лас Вегасын Стрип орчмын замд Тупак Шакур руу буудсан халдлагыг зохион байгуулсан гэж буруутгасан юм. Тухайн үед 25 настай байсан Шакур буудуулсныхаа дараа хэд хоногийн дараа эмнэлэгт нас барсан.
Дэвис нь Тупак Шакурын аллагатай холбоотойгоор яллагдагчаар татагдсан цорын ганц хүн юм.
Прокуроруудын үзэж байгаагаар Дэвис болон түүний хамт явсан хүмүүс Шакуртай тухайн үед үүссэн зөрчлийн дараа өшөө авах зорилгоор халдлагыг төлөвлөсөн байна.
Дэвис 2018 оноос ярилцлагууд өгч, 2019 онд дурсамж номоо гаргахдаа тухайн шөнө Тупакийн амь насыг хөнөөсөн бүлэгтэй хамт машинд явж байсан, буу өгсөн тухайгаа бичжээ
Тупак Шакур нь 1990-ээд оны хип-хоп хөгжмийн хамгийн нөлөө бүхий уран бүтээлчдийн нэг байсан бөгөөд түүний үхэл тухайн үеийн хип-хоп ертөнцөд ихээхэн шуугиан дэгдээсэн юм.
Тупак Шакурын амийг хөнөөсөн хэрэг бараг 30 жилийн турш тайлагдаагүй байсан бөгөөд Дэвисийн ял энэ хэргийн хамгийн том эргэлтийн цэг болж байна. Дэвис Тупакийг өөрөө буудаагүй ч прокурорууд түүнийг халдлагыг зохион байгуулж, бууг нийлүүлсэн гэж үзсэн. Невадагийн хуулиар аллагыг өөрөө үйлдээгүй байсан ч гэмт хэргийг зохион байгуулсан эсвэл оролцсон этгээдэд хүн амины хэрэг үүсгэж болдог аж.
Дэвис 2018 оноос ярилцлагууд өгч, 2019 онд Compton Street Legend дурсамж номоо гаргахдаа тухайн шөнө Тупакийн амь насыг хөнөөсөн бүлэгтэй хамт машинд явж байсан, буу өгсөн тухайгаа бичсэн ба улмаар 2023 онд түүнийг баривчилж, эцэст нь 2026 онд ийнхүү хэргийг шийдвэрлэж байна.
Эх сурвалж: CNN
