Урьдчилсан байдлаар АН-аас нэр дэвшигч Х.Баттулга ялсан ч хоёр дах шатны санал хураалт явагдана

 

Монгол улсын ерөнхийлөгчийн долоо дах удаагийн санал хураалт өчигдөр болж өнгөрлөө. Энэ удаагийн сонгууль улсын хэмжээнд сонгогчдын санал хураалтын ирц 66.5 хувьтай байсан юм. Ирц хангалттай байсан ч нэг дэвшигчдийн хэн  ч саналаа өгсөн нийт сонгогчийн 50+1 хувийн санал авч чадсангүй.

Сонгуулийн ерөнхий хорооны дарга Ч.Содномцэрэн \”Энэ удаагийн сонгуулиар \”Дахин сонгууль болохгүй, дахин санал хураалт гэж бий. Үндсэн хуульд нэр дэвшигчдийн хэн нь ч олонхийн санал авч чадаагүй бол дахин санал хураана гэж бий. Сонгуулийн Ерөнхий Хороо 14 хоногийн дотор товыг зарлана. Олонхийн санал нь 50%+1 юм. 

Өнөөдөр 08.00 цагийн байдлаар АН-аас нэр дэвшигч А.Баттулга 38.1, МАН-аас нэр дэвшигч М.Энхболд 30.3, МАХН-аас нэр дэвшигч С.Ганбаатар 30.1 хувийн саналтай явж байна. 

Шөнийн 00.30 минутад СЕХ-ноос дүн мэдээг урьдчилсан байдлаар танилцуулаа. Улсын хэмжээнд нийт 1.318.511 сонгогч саналаа өгчээ. 

 

 

 

Дахин санал хураалтын талаар Ч.Содномцэрэн хэлэхдээ \” Хоёр дах санал хураалтыг Сонгуулийн төв байгууллага анхны санал авсан өдрөөс хойш 14 хоногийн дотор зарлан зохион байгуулна” гэв. Түүнчлэн дахин санал хураалтын ирц 50 дээш байх, нийт сонгогчдын олонхийн санал буюу 50 дээш саналыг авч айж сонгогдохоор хуульд заажээ. Хэрэв олонхийн санал дахиад авч чадаагүй тохиолдолд хуульд зааснаар шинээр нэр дэвшигчийг гаргаж ирэх хууль зүйн үндэслэл бүрдэх юм байна. Сонгуулийн тухай хуулийн 148.1-д зааснаар хоёр дах санал хураалтаар нэр дэвшигчийн хэн ч олонхийн санал аваагүй тохиолдолд анхан шатны сонгуулийн санал хураалыг сонгуулийн төв байгуулллага хүчингүйд тооцно. Ингээд хүчингүйд тооцсон бол шийдвэр гарснаас хойш долоо хоногийн дотор дахин санал хураалтын товыг зарлах юм.