У.Хүрэлсүхийг дагаад хаалга савчихаар хүн байна уу

Улсын эрх ашгийн төлөө дуугарч чадах хүн энэ Засгийн газарт үлдэхгүй нь бололтой. Ер нь цорын ганц нь У.Хүрэлсүх байв. Харамсалтай нь тэрээр Засгийн газрын тэргүүнтэйгээ хамтарч ажиллаж чадахгүй гэдгээ мэдэгдчихлээ. Одоо тэдний тэмцэл улам хурцдана. Ж.Эрдэнэбатыг бол өмөөрөх хүн олон харагдаж байгаа. УИХ-ын даргаас эхлээд, Засгийн газрын сайд нар нь түүнд байна.

 Харин У.Хүрэлсүхийн араас хаалга савах хүн харагдахгүй байна. Дагах болов уу… гэж ганц нэг сайдыг хүмүүс харж байгаа. Одоохондоо сандлынхаа араас зоригтойхон өндийчих ч хүн алга. У.Хүрэлсүхийг дагаж улс төрд хошуу дүрсэн хүн олон. Тэдний зарим энэ засгийн газарт шургалсан. Харин ч өвөлжилт, малын өвс тэжээлхний ард нуугдаад  суучихлаа. Тэр нь ч яахав, боломжтой цагийг хүлээж байгаад гараад явчихаж мэдэх юм гэж нэг талаас харж болох. У.Хүрэлсүхтэй тохироо хийх гээд бүтээгүй нь илт бололтой. Хэрэв тохироо хийгээд бүтсэн бол дөрвөн сайдыг огцруулах тухай мэдээлэл олон нийтэд хүрсэн. Тэгвэл тэр дөрвөн сайд гараад явчихаач. Нэр төрийн хэрэг биз дээ!!! Хэзээд хэрэггүй гэдгээ мэдээд авсанаас хойш. Магадгүй дараагийн Засгийн газар бүрдүүлэхэд ядаж нэр дурдагдах ч юм билүү.

У.Хүрэлсүх гэдэг хүний шийдвэр үргэлж эрс шулуун байдгийг түүнийг улс төрд хөл тавьсан цагаас нь хүмүүс мэднэ. УИХ-д намаа ялагдахад тэр сандал ширээгээ орхиод эрсхэн алхаад гарсан. Өнөөдөр Шадар сайдын албан тушаалыг мөн л урьдын адил өгөхөөр шийджээ. Тэрээр, \”Мөн Ж.Эрдэнэбат таныг Монгол улсын Ерөнхий сайдаар ажиллах ёс суртахууны эрхгүй гэж үзэж байна. Миний бие Монгол төр, ард түмнийхээ  эрх ашгийн төлөө хүчин зүтгэж, нийгэмд шударга ёс тогтоохын төлөө цаашид тэмцэх болно.” гэдгээ ч өргөдөлдөө дурдаж.