Шуудай нүүрс 500 төгрөгөөр нэмэгджээ

 

 Хүйтний эрч чангарч, өвлийн
улирал айсуй. Манай орон эрс тэс уур амьсгалтай учраас бид намрын улиралд завгүй хөдөлмөрлөж, өвлийн бэлтгэлээ
хангадаг. Гэвч нийслэлчүүдийн хувьд цас дарж, цочир хүйтрэхтэй зэрэгцэж, өвлийн бэлтгэлдээ ордог гэхэд хилсдэхгүй. Өөрөөр хэлбэл түлээ, түлшээ ихээр бэлтгэхээс илүүтэйгээр бага багаар нь зөөж хэрэглэх нь элбэг байдаг. Харин энэ хэрэгцээг хангадаг бизнес зам дагаж хөгжсөөр удаж байна. Холыг ойртуулж хоёрыг учруулж буй түлшний ченжүүд эрэлтийг ашиглаж үнээ нэмдэг уламжлал ч нийслэлд тогтчихлоо. 

Зурагтын шинэ эцэст жижиглэнгээр нүүрс зардаг Н.Батаатай уулзлаа. Тэрбээр \”Дулаан болохоор нүүрсний
борлуулалт муу байна. Манай иргэд цас ороод хүйтэрсний дараа нүүрс, түлээгээ бэлтгэдэг болж. Урьдчилж бэлтгэхгүй байна. Өчигдөр жаахан цас орсон. Энэ үеэр нүүрсний
борлуулалт гайгүй байлаа. Энэ жилийн хувьд нүүрсний үнэ нэмэгдсэн. Өнгөрсөн жил
Налайхын нүүрсийг нэг тонныг нь 220 мянган төгрөгөөр ирж байсан. Харин энэ жил
Налайхын нүүрсийг нэг тонныг нь  280 төгрөгөөр ирж байна. Жижиглэнгээр худалдаалж байгаа
бидний хувьд үнэтэй авч байгаа болохоор ашгаа бодож нэг шуудай нүүрс дээр 500 төгрөг  нэмж зарж байна\” гэлээ. 

Өнөөдөр Налайхын нүүрс том шуудайтай нь 3500 төгрөг, жижиг шуудайтай нь 2000 төгрөгөөр худалдаалагдаж байна. Харин Багануурын нүүрс мөн адил үнэтэй байгаа бол том шуудайтай түлээ 3500 төгрөг, жижиг шуудайтай түлээ 1500 төгрөгийн үнэтэй зарагдаж байна.  Иргэдийн хувьд орой ажлаа тараад харих замдаа нэг шуудай нүүрс, нэг шуудай түлээ гэгчлэнгээр авдаг байна. Нүүрсийг портероор нь авдаг хүн тун цөөн болсон гэдгийг Н.Батаа хэллээ. Гадуур нэг портер Налайхын нүүрс 280 мянга, Багануурынх 220-180 мянган төгрөг байна.  

 

Н.Алт