Ц.Нямдорж гишүүн бухимдаж, дахин санал хураалгав

$\"\"$

УИХ-ын чуулганы үдээс өмнөх хуралдаанаар \”Монгол Улсад 2018-2020 онд цагаачлуулж болох гадаад иргэдийн тоо, бүтэц, байршлын тухай\” УИХ-ын тогтоолын төслийг хэлэлцэх эсэхийг хэлэлцсэн юм. Засгийн газраас өргөн мэдүүлсэн энэхүү төслөөр жилдээ 100 хүртэлх гадаад иргэдэд цагаачлалын квот олгохоор заасан юм.

Хэлэлцэж буй асуудлын хүрээнд зарим гишүүдийн хэлсэн үгнээс товч хүргэе.

УИХ-ын гишүүн Я.Содбаатар: Иргэдтэй уулзалт хийхээр хил орчмын аймгуудад хятад иргэд ороод ирсэн мал маллаж байна, хүргэн нь болчихсон байна гэх юм. Жуулчны визээр орж ирээд буцаж явдаггүй гэх. Иргэдэд зөв мэдээлэл өгч байгаач. Төргүй юм шиг хятад иргэдийг алдчихаагүй гэж бодож байна.

Мөн УИХ-ын гишүүн Д.Тэрбишдагва хуулийн төслийг хэлэлцэхийг дэмжих боломжгүй гэдгээ хэллээ. Учир нь тэрээр өнөөдөр УИХ-ын намрын чуулган хаалтаа хийж байгаа, энэ өдөр энэ хуулийн төслөөс гадна Монгол Улсын өмнө шийдвэр нь хүлээгдэж буй олон асуудал бий гэсэн юм.

$\"\"$

УИХ-ын гишүүн Д.Тэрбишдагва: Ер нь УИХ-ын чуулганы төгсгөл дээр хачин хачин хууль орж ирдэг. Өнөөдөр чуулганы хуралдаан дээр Сайд нараас ганц Н.Цэрэнбат л сууж байна. Өнөөдөр гадаадаас цагаачлал авах асуудлыг ярьдаг өдөр биш.

Хууль зүй, дотоод хэргийн сайд Ц.Нямдорж: 4 жил тутам өөрчлөлт өргөн барих ёстой хууль, өмнө нь өргөн бариагүй юм байна лээ. Бид хууль хэрэгжүүлж байна. Хууль хэрэгжүүлэх нь юу нь буруу байгаа юм. Энэ хэрэггүй асуудал биш.

УИХ-ын гишүүн Д.Тэрбишдагва: Үг хаясан зүйл байхгүй. Гол нь энэ асуудал цаг үеийн асуудал мөн үү? Таны яриад байдаг Эрдэнэт үйлдвэр,Стандарт банктай холбоотой асуудлыг яримаар байна шүү дээ. Эдгээр томоохон асуудлууд дээр Засгийн газрын барьж буй бодлогыг сонсмоор байна гэдгийг ярьсан болхоос хууль хэрэгжүүлэх хэрэггүй гэж хэлээгүй. Хуулийн төслийг дэмжих боломжгүй.

Гишүүдийн асуулт, хариултын дараа уг төслийг хэлэлцэх эсэхээр санал хураалт явуулахад гишүүдийн олонхи нь хэлэлцэх шаардлагагүй гэж үзсэн юм. Харин энэхүү тогтоолын төсөл дэмжлэг авч чадаагүйд Хууль зүй, дотоод хэргийн сайд Ц.Нямдорж нэлээд бухимдав.

$\"\"$

Хууль зүй, дотоод хэргийн сайд Ц.Нямдорж: \”Гишүүдийн ирцийг бүрдүүлж байж санал хураахгүй бол ийм ажиллагаа байнга явагдаад байна. Энэ эгнээ, тэр эгнээ тэр чигтээ гишүүд байхгүй. Цаашдаа ингэж ажиллах юм уу. Хоёр дахиа ийм юм болж байна. Дарга нар өөрсдөө орж ирээч, Д.Хаянхярваа. Бүлэг удирдаж байгаа юм уу, үгүй юм уу. Горимын санал байна. Ирцээ бүрдүүлж байж, дахин санал хурааж өгөөч. Хууль биелүүлэхгүй явдал жижиг асуудал гэж үзэхийг чинь би ойлгохгүй байна. Д.Тэрбишдагва аа, том асуудал ярьж болно, очоод шалга, өөрөө яв аа. УИХ-ын гишүүдийн хариуцлага гэж байх ёстой. Засгийн газрын гишүүд чинь ирэхгүй байна гээд ацаглаад орж ирэхгүй байх ёстой юм уу. Арай дэндэж байгаа юм биш үү. Хаашаа алга болчихдог юм С.Бямбацогт оо.

УИХ-ын тогтоолын төслийг хэлэлцэж байх энэ үед чуулганы танхимд Засгийн газрын 5 гишүүн, УИХ-ын 26 гишүүн байв. Уг нь хэлэлцэж буй асуудлаар санал хураахад гишүүдийн олонхи нь уг төслийг хэлэлцэх шаардлагагүй хэмээн үзсэн ч Ц.Нямдорж гишүүний гаргасан горимын саналаар саяны санал хураалтыг хүчингүй болгоё гэсэн томъёоллоор санал хураалгахад гишүүдийн 61,8 хувь нь татгалзсан юм. Иймд эхний санал хураалтын дагуу Засгийн газарт төслийг буцаалаа.

Я.Хулан

Ц.Нямдорж гишүүн бухимдаж, дахин санал хураалгав

Related Posts

Шинэ мэдээ