Хөлбөмбөгийн үндэсний шигшээ баг энэ сард хоёр тоглолт хийнэ

Герман дасгалжуулагч Майкл Вайссаар удирдуулсан Монголын хөлбөмбөгийн шигшээ баг 2018 оны гуравдугаар сард ОУХБХ-ны шигшээ багийн өдрүүдээр хоёр албан ёсны нөхөрсөг тоглолт хийхээр боллоо.
“Талын хөх чононууд” эхний тоглолтоо энэ сарын 22-нд Куалалумпур хотод талбайн эзэн Малайзын шигшээ багтай хийнэ. Дараа нь энэ сарын 27-нд эх орондоо Африк тивийн Мауритус улсын багийг хүлээн авна. Манайхаас чамгүй дээгүүр түвшинд бичигддэг эдгээр багтай амжилттай тоглох нь манай шигшээ багийн чансаа дээшлэхэд ихээхэн ач холбогдолтой юм.

Манай улсын хувьд ОУХБХ-ны шигшээ багийн өдрөөр анх удаа талбайдаа олон улсын тоглолт хүлээн авч байгаагаас гадна мөн анх удаа Африк тивийн чадварлаг багтай тоглох гэж байна. Тиймээс манай шигшээ баг МХБХ-ны ногоон талбайд бэлтгэлээ хэдийнэ базааж эхэлсэн бөгөөд энэ сарын 04-нд урд хөршийг зорьж, Малайзтай хийх тоглолтын өмнө Юннан мужийн Кунминг хотод 14 хоногийн бэлтгэл хийх юм.

Монголын хөлбөмбөг сонирхогч, үзэгчид энэ сарын 27-ны орой ногоон талбайдаа олон улсын тоглолт үзэж, шигшээ багийнхаа залууст урам өгч, хөгжөөн дэмжих боломжтой.

Дэлхийн чансаагаа ахиулах хариуцлагатай тоглолтуудыг хийх гэж байгаа үндэсний шигшээ багийнхны бүрэлдэхүүн:

А.Сайханчулуун хаалгач /Улаанбаатар сити/

Э.Мөнх-Эрдэнэ хаалгач /Атлетик 220/

Б.Ариунболд хаалгач /Эрчим/

Д.Төрбат хамгаалагч /Атлетик 220/

О.Мөнх-Оргил хамгаалагч /Дэрэн/

А.Нармандах хамгаалагч /Дэрэн/

Н.Цэдэнбал хамгаалагч /Улаанбаатар сити/

О.Оюунбаатар хамгаалагч /Улаанбаатар сити/

Б.Даваажав хамгаалагч /Эрчим/

А.Мөнхнасан хамгаалагч /Эф Си Улаанбаатар/

М.Алтанхүү хамгаалагч /Улаанбаатар сити/