ОХУ ба БНАСАУ, худалдаа-эдийн засаг, шинжлэх ухаан-техникийн хамтын ажиллагааны талаархи засгийн газар хоорондын комиссын хуралдааны үр дүнгээр хоёр тал тээврийн хүрээнд, шинжлэх ухааны хүрээнд, боловсролын хүрээнд болон бусад салбаруудад хамтын ажиллагааг зохицуулах протоколд гарын үсэг зурсан талаар Пхьеньянд байгаа ОХУ-ын элчин сайдын яамны нийгмийн Facebook сүлжээнд мэдээллэжээ. Оросын Холбооны Улс, БНАСАУ-ын хооронд худалдаа-эдийн засаг, шинжлэх ухаан-техникийн хамтын ажиллагааны Засгийн газар хоорондын комиссын наймдугаар хуралдаан гуравдугаар сарын 21-22-нд Пхеньян хотноо болжээ.
Тус хуралдаанд, Эдийн засгийн хөгжлийн яам, Гадаад хэргийн яам, Хөдөлмөрийн яам, Боловсролын яам, Тээврийн яам, Дотоод яам, Байгалийн нөөцийн яам, Орос Загас агнуурын болон бусад байгууллага, хэлтсийн төлөөлөгчид түүнчлэн худалдааны бүтэцийг Зүүн бүсийн хөгжлийн яамны тэргүүн Александр Галушка тэргүүтэй төлөөлөгчид оролцов.
“Ачаалал ихтэй байсан хоёр өдрийн хуралдааны үр дүнд солонгосын хамтрагчтайгаа эцсийн гэрээнд гарын үсэг зурцгаалаа. Энэхүү баримт бичиг нь хоёр тал, тээвэр, хөдөө аж ахуй, хүрээлэн байгаа орчныг хамгаалах, шинжлэх ухаан, боловсрол гэм мэт хүрээнд хамтран ажиллах талаар тусгасан болно”-гэж БНАСАУ-д суугаа ОХУ-ын элчин сайдын мэдээлэлд дурьдажээ.
Хуралдаанд оролцогч хоёр талын төлөөлөгчидийн саналаар бол хэлэлцээр болон зөвлөмжинд тусгасан зүйлийг хэрэгжүүлэх нь Орос ба БНАСАУ-ын хоорондох хамтын ажиллагааг бэхжүүлэх болно гэжээ. Пхеньянд байгаа оросын элчин сайд Александр Мацегори гэрээний протоколд дурьдагдсан бүх зүйл НҮБ-ын Аюулгүйн Зөвлөлийн хориг тавьсан тогтоолын шаардлагaтай бүрэн зохицож байгааг мэдэгдлээ.
Ц.Пүрэвдорж
