Америкт уран нугардаг Монгол охин Б. Марал. Тэрээр 2007 онд АНУ-д төржээ. Одоо АНУ-ын Лас вегас хотын Гилбертийн урлагийн академийн сургуулийн бага ангид сурдаг.
Марал дөрвөн настайгаасай уран нугаралтаар хичээллэж эхэлжээ. Тэрээр сайн багш олоход хэцүү байсан аж. Дэлхийд алдартай Нарны Цирк /Cirque du Soleil/-ийн “O” шоунд ажилладаг, АНУ-ын Невада мужийн Лас Вегас хотноо амьдардаг Ж.Эрдэнэчимэг багшийн шавь болсноор уран нугаралтаар хичээллэх болсон байна. Хамгийн анх 2013 онд зургаан настай байхдаа Лас Вегасын алдартай “О” шоуны зохион байгуулдаг том “One drop” шоунд тоглож байсан байна. Дараа нь 2017 онд Вегас дахь олон жанарын жүжигчдийн олон улсын фестивальд “залуу оддын” төрөлд оролцоод алтан медаль авсан ба нэгдсэн дүнгээрээ “2017 оны аварга” болсон байна.
Мөн 2018 онд Вегас дахь олон жанарын жүжигчдийн олон улсын фестивальд шинээр төрж буй уран бүтээлчийн төрөлд оролцоод хамгийн өндөр оноогоор аваргын цомыг авчээ. Энэ төрөлд олон томчуудтай өрсөлдсөн гэнэ.
