Жүжигчин О.Долгор, Э.Чинзориг нар хамтран “Point” хэмээх продакшн байгуулжээ. Жүжигчин О.Долгор фэйсбүүк хуудастаа энэ талаар “Урлаг хэмээх энэ их айлаар овоглоод багагүй хугацааг өнгөрүүлжээ.Тэр дундаа кино урлаг амьдралын минь утга учир болох бүх зүйлийг надад өгсөн.Энэ л их айлаас би өөрийгөө, хань ижлээ олсон, олон сайхан уран бүтээлчтэй нөхөрлөн жаргал зовлонгоо хуваалцаж явахын сайхныг мэдэрсэн. Урлагийн энэ том гэр бүлд бид хоёр өөрсдийн өнгө төрхийг илэрхийлсэн ханат гэрийн бууриа “Point” продакшн хэмээн дугуйллаа” хэмээн албан ёсоор зарласан юм.
Тус продакшны анхны уран бүтээл болох “Сэтгэлийн анир” уран сайхны кино энэ сарын 12-нд “Зайсан хилл” цогцолборт байрлах “ Prime Cineplex Mongolia” кино театрт нээлтээ хийхээр төлөвлөсөн байгаа аж.
