УИХ Эрүүгийн хэрэг хянан шийдвэрлэх тухай хуулийг өнгөрсөн оны тавдугаар сарын 12-ны өдөр баталж уг хууль 2017 оны долдугаар сарын 1-ээс хэрэгжиж эхэлсэн бөгөөд энэхүү хуулиар хэрэгт сэжиглэгдсэн иргэнийг шүүхийн зөвшөөрөлгүй саатуулахыг хориглосон зүйл заалттай болсон билээ. Харамсалтай нь энэхүү шинэ хуулийн заалт коммунист нийгмийн үед боловсрол эзэмшсэн гэх “До”яамны сэтгэлгээтэй зарим этгээдүүдэд огтхон ч падлийгүй байдаг бололтой. Учир юун хэмээвээс сүүлийн үед зарим нэг шударага дүр эсгэсэн хуучин нийгмийн үеийн хуурамбнууд ашиг хонжоо хайн нэр хүнд олох зорилгоор ажлаа сайн хийж буй дүр эсгэж, олныг хамарсан их баривчилгааг явуулж эхлээд байгаа билээ. Хэдийгээр хууль хяналтын байгууллагууд олон жил бугширсан зарим нэг томоохон хэргүүдийг шалгаж эхлээд буй сайн талтай ч сайны хажуугаар саар гэгчээр тэдний удирдлагуудын заримаас улс төрийн оноо авах гэсэн, хувьдаа ашиг хонжоо хайсан асуудлууд ч олон гарах болжээ. Үүний нэг нотолгоо нь жирийн иргэдийг шүүхийн ямар ч тогтоол, шийдвэргүйгээр баривчлан саатуулж байгаа явдал юм. Баттай эх сурвалжийн мэдээлж буйгаар, өнгөрсөн хугацаанд хоёр ч иргэнийг процессийн бус аргаар буюу шүүхийн тогтоолгүйгээр барьж, хорьсон явдал гарчээ. Монгол улсад хүчин төгөлдөр мөрдөгдөж байгаа ямар хууль тогтоомжид үүнийг хуульчилсан байдгийг Монгол улсын Хууль зүйн сайд Ц.Нямдоржоос асуумаар байна. Та УИХ-ын чуулганы танхимд зарим ноцтой хэргийн талаар ярихдаа тагнуулийнхан болоод бусад хуулийн байгууллагынхны алдаа завхралыг маш хатуугаар шүүмжилж байсан бус уу? Эсвэл таны эрх ашигт нийцэж байгаа бүхэн шударга ёс болж, нийцэхгүй бүхэн торны цаана орох ёстой юм уу? Та үнэхээр шударга ёс ярих гэж байгаа бол ядаж л наад Ц.Гантулгынхаа “бандааш”-ны гэх асуудлыг үнэн зөвөөр шийдвэрлэчихээд шударга ёсоо ярих ёстой юм биш үү? Аль эсвэл шүүх, прокурорын шийдвэргүйгээр иргэнийг баривчилж, хорьж байгаа нь бас нэгэн та бүхний хуулийн мухардал уу? Хууль зүйн яамны харьяа байгууллагууд нь өөрсдөө ингэж хуулиа зөрчөөд байхаар ард түмэн нь яаж хуулиа биелүүлэх болж байна аа. Үүнийг л харин таниас асуумаар байна.
