Өглөө болгон эвшээлгэх
Өглөө сэрээд биеийнхээ булчинг сулруулан, хамраараа амьсгал авч, хэвлийн хэсгийг цэвэр агаараар дүүргэнэ. Ингэсний дараа амаа ангаан эвшээж байгаа маягаар амьсгалаа гаргана. Энэ дасгалыг өглөө бүр 10-с доошгүй хийснээр уушигны үйл ажиллагаа сайжран, уушиг зүрхний цусан хангамж нэмэгдэж, цээж багтрах, бөгшүүлэн ханиалгахаас хамгаалана.
Үе мөчний дасгал
Гараа алдалж, хойш урагшаа тойрог хөдөлгөөн хийнэ. Гараа ташаандаа авч мөрөө хойш урагш хөдөлгөнө. Мєн энэ байдлаас бүсэлхийгээр хойш урагш баруун зүүн тийш хазайлгана. Хөл дээрээ сууж босох , хөлөө урагш хажуу тийш болгох хөдөлгөөнийг хийнэ. Энэ дасгал шар усыг тарааж, үе мөчний үрэвслээс сэргийлнэ.
Нүдний дасгал
Санаа сэтгэлээ тайван болгосны дараа нүдээ нар зөв баруун, дээш доош аажуухан эргэлдүүлнэ. Дараа нь нүдээ огцом нээж дээрх хөдєлгөөнийг давтаж хийнэ. Тус бүр 10 удаа хийх нь тохиромжтой. Энэ дасгалын хийснээр нүдний ядаргаа арилах, хараа сайжрахаас гадна толгой эргэх, нүд эрээлжлэх болон нvдний элдэв өвчнөөс сэргийлж чаддаг.
Хэвлийн булчинг агшааж татах дасгал
Бие суллаж оюун санаагаа төвлөрүүлж хамраараа амьсгал авч бага хэвлийн буюу хүйснээс доошх булчинг агшааж татна. Ийнхүү 3-10 секунд болсоны дараа амьсгалаа гаргаад бие суллана. Энэ дасгалыг өдөрт 10-с доошгүй удаа хийснээр давсаг бөөрний үйл ажилгаа сайжирна.
Хэвлийд иллэг хийх
Гарын алгаа хооронд үрж бүлээцүүлсний эцэст хүйсийг тойруулан нар зєв иллэг хийнэ. Дараа нь нар буруу зөөлєн дарж өгнө. Аль алийг нь 10 удаа хийнэ. Энэ дасгал хоолны шингэцийг сайжруулж, хоол боловсруулах эрхтний цусан хангамжыг нэмэгдүүлж, ходоод гэдэсний өвчин, өтгөн хатах, гvйлгэх нарийн бүдүүн нэдэсний архаг үрэвсэл, шээс тасалдах зэргээс сэргийлнэ.
Цээжинд иллэг хийх
Цээжээ илэн, зөөлєн алгадах үйлдлийг єдєрт 10 удаа хийх хэрэгтэй. Ингэснээр зүрхний үйл ажиллагааг сайжруулан, цээж багтрах, цээж хавиргаар хатгах, зүрхний титэм судас хатуурахаас сэргийлж болно.
Нуруунд дасгал хийх
Нурууг цаг агаарын нөхцөлд тохируулж дулаан байлгах хэрэгтэй. Өдєр бүр алгаа үрж бүлээцүүлсний эцэст нурууг хэдэн арван удаа илснээр нуруу хөшиж өвдөх, хэвлийн хөндийн янз бvрийн өвчин болон үе мөчний архаг хууч зэргээс сэргийлнэ.
Хөлийн уланд иллэг хийх
Хөлийн тавхайг өлмий талаас 3 хуваасны 1-тэй тэнцэх газарт хүний эрvvл мэндийг хамгаалах, амьдрал тэтгэх маш чухал цэг байдаг. Гарын алгаа үрж бүлээцүүлэсний дараа дээрх цэг дээр өдөрт 10 удаа илж дарах нь хөлийг дулаацуулж, сэтгэл санааг тайвшруулж элэг бөөрний үйл ажиллагааг сайжруулж толгой эргэх чих шуугих, нойр алдах, зүрх цохилох, цусны даралт ихсэх, хөл өвдөх зэргээс сэргийлнэ.
Арьсанд хуурай иллэг хийх
Гарын алгыг хооронд нь үрж бүлээцүүлээд толгой, мєр, гар, хөл цээж хэвлийн арьсыг 10 удаа зөөлөн илнэ. Ингэснээр арьсны сүвүүд тэлж, ядаргаа арилж, нойронд сайн болохын зэрэгцээ цусны даралт буурч, арьс уян зөөлөн болно.
Нүүрээ илэх
Хоёр алгаа хооронд нь халуу оригтол үрсний дараа алгаараа дух, хацар, хамрын самсааг оролцуулан нүүрээ дээш доош нь 10 удаа зугуухан илнэ. Өдөрт 2-оос доошгvй удаа ингэж илснээр нүүрний цусны эргэлт сайжран арьс зєєлєрч өнгөлөг, овор багатай харагдахаас гадна, үрчлээтэхээс сэргийлж, тогтсон үрчилээг багасгадаг. Ханиад томуу тусах, нүднээс нулимс гоожих, толгой, шүд өвдөх хамар битүүрэхээс сэргийлнэ.
