“Гэгээн Муза” наадмын шилдгүүд тодорчээ

Өчигдөр “Гэгээн Муза” олон улсын театрын 14-р их наадмын шагнал гардуулах ёслол болж өндөрлөлөө. Хоёр жил тутамд нэг удаа болдог тус наадмын урьдчилсан шалгаруулалтад гадаад, дотоодын 50 гаруй бүтээл ирснээс хоёрдугаар шатанд 26 бүтээл үлдсэн байна. Энэ жилийн наадамд ОХУ, Коссова, Хонконг, БНХАУ-ын ӨМӨЗО, АНУ, Аргентин, Укриан улсын уран бүтээлчид болон зочин шүүгчид ажиллажээ.
Шилдгийн шилдэг буюу Гранпри шагналтнаар Дорнод аймгийн уран бүтээлчдийн “Ярьдаг мод” хүүхдийн жүжиг тодорлоо. Тус бүтээл шилдэг зохиолч, шилдэг найруулагч, шилдэг эмэгтэй гол дүр, шилдэг хөгжмийн зохиолч, шилдэг тайзны зураач, шилдэг эрэгтэй туслах дүр зэрэг зургаан номинацид тэргүүлсэн байна.
Хөгжимт жүжгийн Шилдэг найруулагчаар– Найруулагч Н.Наранбаатар “Өндөр гэгээн” жүжиг
Хөгжимт жүжгийн Шилдэг хөгжмийн зохиолчоор– В.Боролдой “Манлайбаатар” жүжиг
Хөгжимт жүжгийн Шилдэг эмэгтэй гол дүрээр- Ш.Ургаа
Хөгжимд жүжгийн Шилдэг эрэгтэй гол дүрээр-“Өндөр гэгээн” жүжгээр Завхан аймгийн жүжигчин Ч.Лхагвадорж
Шилдэг эрэгтэй туслах дүрээр-“Алтан хундага” жүжгийн Зэвт сумын дүрээр жүжигчин Б.Сандуйжав
Шилдэг эмэгтэй туслах дүрээр-“Алтан хундага” жүжгийн Усангоогийн дүрээр жүжигчин В.Алтангоо
Хөгжимт жүжгийн Шилдэг тайзны зураачаар-“Алтан хундага” жүжгээр С.Ариунболд, В.Сэргэлэн
Хүүхдийн жүжгийн Шилдэг зохиолчоор-“Ярьдаг мод” жүжгээр Б.Мөнх-Амьдрал
Шилдэг жүжгийн найруулагчаар-Б.Мөнх-Амьдрал “Ярьдаг мод” жүжиг
Хүүхдийн жүжгийн Шилдэг эрэгтэй гол дүрээр-Хуан Круз “Мандрагора” жүжгээр УДЭТ-ын жүжигчин Б.Золжаргал
Шилдэг эмэгтэй гол дүрээр-Агеда Андреа “Мандрагора” жүжгээр жүжигчин Т.Халиунсор
Хүүхдийн жүжгийн Шилдэг хөгжмийн зохиолчоор-Ө.Ариунбаатар “Ярьдаг мод” жүжиг
Хүүхдийн жүжгийн Шилдэг тайзны зураачаар-Г.Доржгочоо “Ярьдаг мод” жүжиг
Хүүхдийн жүжгийн Шилдэг эмэгтэй туслах дүрээр-Б.Золзаяа “Царцаа Намжил” жүжгийн Эмгэний дүр
Хүүхдийн жүжгийн Шилдэг эрэгтэй туслах дүрээр-Э.Батболд “Ярьдаг мод” жүжиг
Шилдэг найруулагчаар-“Монгол ардын суут” бүтээлээр найруулагч Б.Баатар
Шилдэг эмэгтэй гол дүрээр-“Годо-г хүлээсэн нь” жүжгийн Владимрын дүрээр Д.Оюунзул
Драмын жүжгийн төрөлд Шилдэг хөгжмийн зохиолчоор-“Монгол ардын суут” жүжгээр хөгжмийн зохиолч Т.Сэр-Од
Шилдэг эрэгтэй туслах дүрээр-Б.Шинэбаяр “Адууны түүх” жүжгийн Жанжаагийн дүр
Шилдэг тайзны зураачаар-О.Баярмагнай “Адууны түүх” жүжиг
Шилдэг эмэгтэй туслах дүрээр-Ж.Оюундарь “Би эндээс явахгүй” жүжгийн Должингийн дүр
Шүүгчдийн нэрэмжит шагналыг-Украины жүжигчин Анна Яремчук, УДЭТ-ын жүжигчин Г.Номуун, УДЭТ-ын жүжигчин Н.Баярмаа
Шилдэг эрэгтэй жүжигчнээр-Г.Мишээл “Итгэлийг эвдэгч” жүжиг
Шилдэг эмэгтэй жүжигчнээр-Ч.Уранбилэг “Нохойн хурим” жүжиг
Шилдэг зохиолчоор-Я.Баяраа “Цагаан толбо” жүжгээр тус тус тодорч “Гэгээн Муза” олон улсын театрын 14-р их наадмын шагналыг гардсан байна.