Хар тамхины хэргээр өмнө нь ял эдэлж байсан Г.Сарангэрэл гэгч хэцүү нэртээс гарч, ээж болсон ч томоожилгүй дахин аавын хаалга татах бололтой. ЦЕГ-ын Хар тамхитай тэмцэх газраас түүнийг яллагдагчаар татах саналаа Нийслэлийн прокурорын газарт хүргүүлсэн байна. Тэрээр өнгөрсөн дөрөвдүгээр сарын 18-19-нд шилжих шөнө А, Э, А нартай бүлэглэн өмнөд хөршөөс их хэмжээний “мөс” биедээ нуун улсын хилээр нэвтрүүлэх гэж байгаад баригдсан юм. Уг хэргийг сануулбал, Г.Сарангэрэл нь БНХАУ-аас Дорноговь аймгийн Замын-Үүд сумын авто замын шалган нэвтрүүлэх боомтоор нэвтрэхдээ биеийнхээ нууц хэсэгт “мөс” хэмээх бодис нуусан байсан бөгөөд үүнийг нь эмч нарын туслалцаатай гарган авсан билээ. Эрүүгийн хуулийн 20.7-гийн 2 болон 3-т заасан “Мансууруулах эм, сэтгэцэд нөлөөт бодис, тэдгээрийн түүхий эдийг худалдаалах зорилгоор хууль бусаар олж авсан, бэлтэгсэн, боловсруулсан, хадгалсан, тээвэрлэсэн, илгээсэн, “худан зохион байгуулалттай бүлэг” гэж үзэн яллагдагчаар татах санал хүргүүлсэн аж.
Тэрээр өмнө нь Хууль зүйн сайд асан Х.Тэмүүжинтэй нэр холбогдож шуугиан тарихдаа хар тамхины хэрэгт холбогдож Улсын дээд шүүхээс нэг жилийн хорих ял сонсон ял эдэлж 2015 оны 4-р сарын 3-нд суллагдсан байдаг юм байна.
