“Хүүхдийн тусламжийн утас 108” үйлчилгээний төв нь Монгол Улсын хэмжээнд хүүхдийн эрхийг хангах, тэдний дуу хоолойг сонсох, хүүхдэд сэтгэл зүйн яаралтай болон бусад туслалцаа үзүүлэх зорилгоор 24 цагийн турш бүх үүрэн телефоны дугаараас үнэ төлбөргүйгээр дуудлага хүлээн авдаг билээ. “Хүүхдийн тусламжийн утас 108” Олон Улсын Хүүхдийн Эрхийг Хамгаалах Өдөр буюу Хүүхдийн баяраар хүүхдийн эрх, хамгаалал болон бага насны хүүхдүүд эцэг эхээсээ төөрөх, нарших, хоолны хордлого авсан зэрэг дуудлага мэдээллийг үнэ төлбөргүйгээр хүлээн авч, тусламж үзүүлэн ажиллаж байна.
“Хүүхдийн тусламжийн утас 108” төв нь өдөрт 400-500, хоногт 1000-1200 дуудлага хүлээн авч хариу мэдээлэл зөвлөгөө, хамгааллын үйлчилгээнд холбон зуучилдаг бөгөөд нэг ээлжиндээ гурван зөвлөгч-сэтгэл зүйч, нэг ахлах нийгмийн ажилтан гэсэн бүрэлдэхүүнтэйгээр ажилладаг байна.
