“Эрдэнэт үйлдвэр-Хөгжлийн түүчээ 40” түүхт ойн баяр наадмыг 2018 оны зургадугаар сарын 27-ны өдөр тэмдэглэн өнгөрүүлэх юм байна. Үүнтэй холбогдуулан компанийн Ерөнхий захирлын тушаалаар баяр наадмын өдрийг нийтээр амрах амралтын өдрөөр тооцож, зургадугаар сарын 16-ны Бямба гарагийн амралтын өдрийг ажлын өдөрт шилжүүллээ.
Харин үйлдвэрлэлийн тасралтгүй үйл ажиллагааг ханган Ил уурхай, Автотээврийн байгууллага, Баяжуулах фабрик, Засвар механикийн завод, Тээвэр ложистикийн алба, Дулааны цахилгаан станц, Ган бөмбөлгийн цех, Эрчим хүчний цех, Цахилгаан цех, Чанар хяналтын хэлтэс, Геологи хайгуулын анги, Холбоо, мэдээлэл, техник автоматжуулалтын цех, Эрдэнэт сувиллын цогцолбор, Онцгой байдлын гэрээт гал түймэр унтраах, аврах 58-р анги, Гэрээт цагдаагийн хэлтэс, Дотоодын цэргийн 816-р тусгай салбарын ажилтан, албан хаагчид 2018 оны зургадугаар сарын 27-ны өдөр ажиллана.
