“VEGAR TRAVEL” олон улсын аяллын компани 2017 оноос эхэлж аялагч та бүхний сэтгэлийг сэргээх сайхан аяллыг зохион байгуулж эхэлсэн. Тус компани нь “M.Finance” ББСБ хамтарч хүүгүй, урьдчилгаа төлбөргүй лизингийн аяллыг зохион байгуулж байна. Энэхүү лизингийн аялалд Утай Гүнбэн есөн шөнө, арван өдөр аялал, Эрхүү хотын дөрвөн шөнө, таван өдрийн аялал, Манжуур хотын автобустай таван шөнө, таван өдрийн аялал, Манжуур хотын шууд нислэгтэй хоёр шөнө, гурван өдрийн аялал, Улаан –Үүд, Итгэлт Хамбын хоёр шөнө, гурван өдрийн аялал, Улаан-Үүд, Итгэл Хамба, Байгаль нуурын дөрвөн шөнө, таван өдрийн аялал багтаж байна. Мөн тусгай сонирхолтой үүргэвчтэй аялал Эрээн, Бээжин, Наннинг Ветнамын Ханой хотын арван шөнө, 11 өдрийн аяллыг зохион байгуулж байна. Иймээс та бүхэн аялах гэж яаран мөнгө хайх хэрэггүй боллоо. Хүссэн үедээ “VEGAR TRAVEL” олон улсын аяллын компанийн лизингтэй аялалд хамрагдах боломжтой.
Манай компани M.Finance ББСБ-тай хамтарч 100 хувь урьдчилгаа төлбөргүй, хүүгүй лизингийн үйлчилгээг нэвтрүүлсэн
Ингээд VEGAR TRAVEL олон улсын компанийн захирал С. Сэргэлэнбатаас аяллын үйлчилгээний талаар зарим зүйлийг тодрууллаа.
-Зуны урин дулаан цаг болж, хүмүүс аялал зугаалгадаа гарч эхэллээ. Танай компани аяллын чиглэлээр үйл ажиллагаа явуулдаг . Үйл ажиллагааныхаа талаар дэлгэрэнгүй мэдээлэл өгөхгүй юу?
-Манай “VEGAR TRAVEL” олон улсын компани анх 2017 онд байгуулагдсан. Байгуулагдсанаас хойш Манжуур хот, Хонког, Тайланд улс уруу аялал хийж байгаа. Мөн ОХУ руу Байгаль нуур, Итгэлт Хамбын чиглэлд аялал хийдэг.
-Нэг удаагийн аялалд хэдэн хүн явах боломжтой вэ?
-Аялж байгаа хүнээс хамаарч янз бүр. Нэг удаагийн аялалд 90 хүнийг хоёр автобусаар авч явдаг. Аяллын маршрутыг компанийн зүгээс баталсан байдаг. Үүний дагуу бүх зүйлээ хийгээд явдаг. Ер нь үйлчилгээний тал дээр ямар нэгэн асуудал байхгүй.
-Аяллын хувьд хэд хоног үргэлжилдэг вэ?
-Манай аялал маршрутаас хамаарч янз бүр байгаа. Тухайлбал, Манжуурын аялал дөрвөн өдөр, гурван шөнийн аялал байгаа. Харин Итгэлт хамба руу дөрвөн өдөр, таван шөна аялж байна.
-Танайхыг сонгож үйлчлүүлж байгаа иргэддээ ямар хөнгөлөлт, урамшуулал олгодог вэ?
-Манай компани монгол улсад анх удаа лизингийн аяллыг нэвтрүүлсэн байгаа. Энэхүү лизингтэй аяллыг энэ оны хоёрдугаар сарын 1-нээс M.Finance ББСБ-тай хамтарч 100 хувь урьдчилгаа төлбөргүй, хүүгүй лизингийн үйлчилгээг нэвтрүүлж эхэлсэн.
-Танайх лизингийн үйлчилгээгээр үйлчлүүлж байгаа иргэд хэдэн сарын хугацаанд лизингээ төлөх боломжтой вэ?
-Ерөнхийдөө гурваас зургаан сарын хугацаанд төлөх боломжтой. Одоо туршилтын шат маань маш амжилттай хэрэгжиж байгаа. Энэхүү үйлчилгээгээр олон байгууллага хамт олон үйлчлүүлсэн. Бидний хувьд ч гэсэн шинэ зүйл санаачилж хийж байгаадаа сэтгэл хангуулан байгаа.
-Лизингтэй үйлчилгээнээс гадна ямар давуу талтай вэ?
-Манай компанийн хувьд мэргэжлийн боловсон хүчин, мэргэжлийн хамт олон гэдгээрээ маш давуу талтай. Урин дулаан зун цаг ирж, аялал зугаалгын үе эхэлж байна. Иймээс иргэд та бүхэн сайхан аялахыг хүсвэл “VEGAR TRAVEL” олон улсын компанийг сонгож үйлчлүүлээрэй. Та бүхнийг сайхан аялуулахад бид бэлэн байна.
Энэ компани бусад аяллын компанийг бодвол илүү найдвартай
“VEGAR TRAVEL” олон улсын аяллын компанийг сонгон үйлчлүүлж байгаа Сэлэнгэ аймгийн Алтанбулаг сумын сургуулийн биеийн тамирын багш н.Ариунболдын аялалд гарах гэж байгаа сэтгэгдлийг сонслоо. Тэрээр “Би Сэлэнгэ аймгийн Алтанбулаг сумаас хамт олноороо ирсэн байгаа. Нийтдээ 46 хүний бүрэлдэхүүнтэй явж байна. Энэ компани бусад аяллын компанийг бодвол илүү найдвартай компани гэж бодоод хамт олноороо сонгосон. Энэ компанийн хамт олон биднийг Сэлэнгэ аймгийн Алтанбулаг сумаас зорьж очиж авсан. Үүнд бидний хувьд маш сэтгэл хангуулан байгаа” гэв.
