Монгол Улсын Ерөнхийлөгчийн шашны бодлогын зөвлөх, МУСГЗ, яруу найрагч, Болор цомын хошой шагналт Ц.Хулан Их наран Хутагтын тухай өөрийн байр суурийг илэрхийлжээ… Тэрээр энэ талаар байр сууриа илэрхийлэхдээ “ Их Наран Хутагт гэнэ үү?
Манай Монгол улсад нэр алдар олж тодрох гэсэн хүн яасан их болоо вэ? Аугаа ихийн дэмийрэл гэж нэг өвчин байдаг гэсэн. Дээр, дооргүй бид тийм өвчин тусаа юу даа? Тэмээ унаад Англи явдаг, цэрэг цуглуулж сан тавьдгаараа эх орныхоо хөгжилд нэмэр болдогсон бол энэ улс орон аль хэдийнээ хөгжчихсөн баймаар юм. Иймэрхүү Наран хутагтуудад итгэж, мөргөж байгаа нь хамгийн шог байна. Нийгмийн ёс суртахууны доройтол, боловсролын уналтын түвшин ямар байгааг л харуулж байна. Наран гэх хутагт өөрийгөө өргөмжилж, Монгол улсын Батлан Хамгаалах болон хилийн аюулгүй байдлыг сахигчдад сахил хүртээж, ном тавиад улс орон өнгөлзөх дайсангүй болно гэвэл лөөлөө. Үүгээр хувь хүний болон улс төрийн хожоо хайж, цахим ертөнцөд шуугиан дэгдээгчид яасан хийх ажилгүй байна аа? Ингэж хэл амаа билүүдэж, цахимд зугаацаж суухын оронд нусаа татаад, бүсээ бүслээд гадаа гарч эрүүл агаар амьсгалаачээ. Үүнээс өөр хийх ажил Монгол улсад даанч их байгаа даа уг нь”…гэсэн байна.
