Казахстаны нэрт уран гулгагчийг хөнөөсөн байж болзошгүй этгээдүүдийн нэгийг баривчилсан талаар тус улсын ДЯЯ-аас өнөөдөр мэдээллээ. Тус улсын ДЯЯ-ны мэдээлж байгаагаар Денис Тенийг хөнөөсөн байж болзошгүй этгээдүүдийг мөрдөн шалгах ажлын явцад тэдний нэгийг өнөөдөр баривчлан хориод байна гэжээ. Одоогоор хоёрдох гэмт этгээдийг үргэлжлүүлэн эрэн хайж байгаа бөгөөд мөрдөн шалгах ажиллагааг эрчимжүүлэн явуулж байгаа юм байна.
