МҮЭХ-ноос Засгийн газрын шийдвэрийг хүлээн авах боломжгүй, ажил хаялтыг эхлүүлэх талаар өнөөдөр мэдээлэл хийлээ. Тэрээр “Өнгөрсөн жилээс эхлээд тэмцэл олон аргыг хийсэн. Түр хугацаанд хэлэлцээрийн үр дүнг хүлээж, тэмцлийн арга хэмжээг түр завсарласан. Энэ оны долдугаар сард Засгийн газарт хандаж хэлэлцээр үр дүнд хүрэхгүй тохиолдол есдүгээр сарын 1-нээс эхэлж ажил хаяна гэдгээ мэдэгдсэн. Хэлэлцээрийг хоёр удаа хийсэн боловч Засгийн газрын тавьж байгаа байр суурийг МҮЭХ хүлээж авах боломжгүй гэдгээ бид өмнө мэдэгдсэн. Мөн Засгийн газар бид бүхэн энэ сарын 21-ны өдөр хэлэлцээр үр дүнд хүрэхгүй байгаа асуудлаар мэдэгдэл хүргүүлсэн. Харин өчигдөр Засгийн газар дангаараа шийдвэр гаргасан. Энэхүү шийдвэртээ 2018 онд олгох байсан нэг удаагийн мөнгөн тусламж дэмжлэгийн 56,4 тэрбумын төгрөгийн нийт албан хаагчид хувааж 8-30 хувь нэмэгдүүлнэ гэж байгаа. 30 хувийн нэмэгдлийг зарим мэргэжлээс хамаар ч шийдсэн гэж байгаа. Харин МҮЭХ энэ шийдвэрийг хүлээж авах боломжгүй гэдгээ мэдэгдэж байна. Есдүгээр сарын 3-нээс эхэлж ажил хаялт зарлаж, хамтын маргаанаа үүсгээд явна. Өнгөрсөн жилүүдэд цалин хөлс нэмээгүй” гэв.
Харин Монголын боловсрол шинжлэх ухааны үйлдвэрчний эвлэлийн холбооны дарга Ж.Батзориг “Монголын боловсрол шинжлэх ухааны салбарынхан цалин нэмэх асуудлыг маш их хүлээцтэй хандсан. Засгийн газраас тавьсан саналууд хүлээж аваад тэмцлээ зогсоосон. Одоо бид тэмцлийнхээ салбарыг үргэлжлүүлнэ. Есдүгээр сарын 3-наас эхлээд орон даяар ажил хаялт зарлана. Багш нарын ажлын ачаалал маш их байгаа. Ажлын байранд суухгүйгээр талбай дээр томоохон жагсаал цуглаан зохион байгуулна” гэдгээ мэдэгдсэн юм.
Эмч нарын цалинг ирэх оны хэдэн сараас хэдэн хувь нэмэх нь тодорхойгүй байна
Монголын эрүүл мэндийн ажилтны үйлдвэрчний эвлэлийн холбооны дарга Б.Мягмар “Эрүүл мэндийн салбарын үйлдвэрчний эвлэлийн холбооны тэргүүлэгчид ажил хаялт зохион байгуулах түр хорооны өргөтгөсөн хурлаа өнөө өглөө 08.00 цагт болсон. Бид бүтэн жилийн турш тэмцэл хөдөлгөөн өрнүүлсэн. Сувилагчдын цалинг 20-30 хувь хувиар нэмэгдэж байгаа нь чамгүй үзүүлэлт. Гэхдээ бүх зүйл тодорхойгүй байна. Тухайлбал, сувилагчийн цалинг 20 -30 нэмж байгаа бол эмч нарын цалинг ирэх оны хэдэн сараас хэдэн хувь нэмэх нь өнөөдрийг хүртэл тодорхойгүй байна. Ажил хаялт оролцох асуудлаа ирэх долоон хоногт гаргана. Төсөв өргөн барих гэж байгаа үед 2019 оны асуудал яригдаж байх ёстой. Гурван талт хэлэлцээр гэж олон жил ярьсан. Гэвч үр дүнгээ гаргахгүй байна. Бид багш нарын ажил хаялтыг дэмжиж байгаа” гэв.
Ажил хаялтын хариуцлагыг багш нар хүлээхгүй
-Саяхан ХНХ- сайд С.Чинзориг сайд хөдөлмөрийн гурван талт хэлэлцээрээс өндөр хувь хэлээд байгаа гэсэн байр суурь илэрхийлсэн?
-Манай төгрөгийн худалдан авалт 40 хувиар уначихсан. Одоо нэмэгдэл гэхээс илүү төгрөгийн худалдан авалтыг хадгалж үлдэх хэрэгтэй. Иймээс бид 50 хувь гэж яриад байгаа. Засгийн газар цалин 8 хувиар нэмнэ гэж байгаа. Жилдээ 2 хувиар нэмж байна гэсэн үг. Одоо урамшууллын мөнгийг цалин болгож өгч байна. Ингэж ажилчдыг хуурахгүй.
-Одоо цалин нэмэх сургаар өргөн хэрэглээний бараа бүтээгдэхүүний үнэ нэмэгдэг?
-Цалин нэмээгүй хугацаанд бараа бүтээгдэхүүний үнэ нэмэгдсэн. Цалин нэмэхээр бараа бүтээгдэхүүний үнэ нэмэгдэж байна гэдэг бол худлаа. Сая наадмын өмнө шатахууны үнэ 100 төгрөгөөр нэмэгдсэн шүү дээ.
-Есдүгээр сарын 3-наас ажил хаялт зарлана гэж байна. Ажил хаялт зарлахаар хүүхдүүдийн эрх ашиг яаж шийдэх вэ?
-Манай боловсролын салбар цалин нэмэх асуудлыг маш их хүлээцтэй хандсан. Мөн манай багш нар сурагчдынхаа эрх ашгийг бодож, тэмцлийн асуудлыг удаа дараа хойшлуулж байсан. Харин төр засаг өндөр ачаалалтай ажиллаж байгаа хүмүүсийнхээ цалин хөлсийг нэмэгдүүлэх асуудал дээр тодорхой шийдвэр гаргахгүй байна. Бид өнгөрсөн хавар ажил хаялт зарлана гэдгээ мэдэгдсэн. Энэ ажил хаялтын хариуцлагыг багш нар хүлээхгүй. Харин хариуцлагыг хуулийн дагуу Засгийн газар хүлээх ёстой. Бид хүүхдийг хохироохгүй ажиллана. Манай багш байнга нөхөөд явдаг учраас хүүхдийн эрх зөрчигдөхгүй.
Цалингийн нэмэгдлийн асуудлаар ХНХ-ын сайд С.Чинзоригийн хийсэн мэдээллийг ЭНДЭЭС үзнэ үү.
