Apple-ынхны хэлж байгаагаар бол хурууны хээ танигч нь 50000 тохиолдолд л нэг удаа буруу таньдаг гэнэ. Хурууны хээ мэдрэгчийг хуурдаг “master fingerprints”–ийг хөгжүүлэгч судлаачдын үзэж байгаагаар ухаалаг утасны хурууны хээ танигч нь бидний итгэж байгаачлан хангалттай хамгаалдаггүй гэнэ.
Судлаачид жинхэнэ хурууны хээг нь ашиглан бүтээсэн хуурамч хурууны хээг ашиглан хурууны хээ уншигчийг хууран утасны түгжээг тайлан апплекейшн руу нэвтрэн орж, мөн төлбөр төлөх боломжтой гэж үзэж байна.
Нью-Йоркийн болон Мичиган мужийн их сургуулиудын судалгааны үр дүн өргөн хэрэглэгдэж буй хамгаалалтын системд эргэлзэхэд хүргэсэн байна. Мөн судлаачид хурууны хээ танигчийн 65 хувийг хуурч чадах мастер хээг бүтээх боломжтойг мэдэгдлээ.
Хамгийн өргөн хэрэглэгдэж байгаа хурууны хээ танигч нь нууц үг ашигласанаас ч илүү хамгаалалт сайтай гэж Apple компани мэдэгдэж байгаа. Тэд мөн iPhone–д хэрэглэж байгаа хуруу танигч нь 50000-д зөвхөн ганцхан удаа л буруу хээ таних магадлалтай гэж үзэж байна.
Хэдийгээр судлаачид туршилтын шатандаа явж байгаа ч компьютер дээр туршиж үзэхэд ухаалаг утаснаас ч илүү муу үр дүн гарсан ба тэд хиймэл хурууны хээ бүтээх технологи маш хурдацтай хөгжиж байгааг анхаарууллаа. Учир нь өнөөгийн бидний хэрэглэж буй ухаалаг утсанд суурилагдсан хурууны хээ уншигч нь бүгд адилхан жижиг, тэд ерөнхийдөө хурууны хээн өөр өөр хэсгүүдийг бүртгэж авдаг ба ганцхан даралтаар хурууны хээг амжилттай таних баталгаатай байдаг.
Ухаалаг утаснууд нь ихэвчлэн 10-аад хурууны хээ бүртгэдэг ба олон тооны хэрэглэгчид хурууны хээ танигч төхөөрөмжид хэд хэдэн хурууны хээ бүртгүүлж байгаагаас хойш энэ бага хэмжээний сканнераар утасныхаа түгжээг тайлах хялбархан байгаа юм.
Хүний хурууны хээ дахин давтагдах магадлал маш бага байдаг хэдий ч, судлаачид маш олон хүний хурууны хээг дуурайн хийсэн синтитик мастер принт нь тухайн хүний хурууний хээг хангалттай орлож байгааг олж тогтоожээ. Ухаалаг утаснууд нь ерөнхийдөө сканнер хурууны хээг таних, эсвэл нууц үг шаардахаас өмнө хурууны хээ таних маш олон оролдлогыг зөвшөөрдөг.
Хэдийгээр хурууны хээ танигчид ухаалаг утас хэрэглэгчид нийтээрээ итгэж байгаа ч зарим утас үйлдвэрлэгчид өөр таних аргыг нэврүүлж эхлээд байна. Samsung–ийн царай таних системийг зургаар хуурсан тохиолдол гарсан хэдий ч өнгөрсөн онд гаргасан Galaxy S8 утас нь нүдний солонгон бүрхэвч мэдрэгчтэйгээр зохион бүтээгдсэн.
Ухаалаг утсыг нууц үгээр хамгаалах нь тийм ч найдвартай биш гэдэг нь нэгэнт харагдсан. 4 оронтой нууц үг нь 10000-д нэг таах боломжтой боловч зураасан нууц үг нь дэлгэцэн дээрээ хурууны мөр үлдээдэг сул талтай байдаг. Японы эрдэмтдийн сануулж байгаа нэг зүйл бол энгийн, хялбар зурган код хэрэглэх нь хакерууд дэлгэцэн дээр үлдсэн таны хурууны мөрийг ашиглан утас руу нэвтрэх магадлал өндөр байдаг тухай юм.
Ухаалаг утсан дахь “хурууны хээ танигч” мөн бидний бодсон шиг тийм ч найдвартай хамгаалагч биш байх нь ээ.
